Bir necha kundan beri xonanda Lola Yo‘ldoshevaning ijtimoiy tarmoqdagi sahifalarida uning shaxsiy hayoti bilan bog‘liq qiziq ma'lumotlar paydo bo‘lmoqda.
Avvalroq, Lola Yo‘ldosheva o‘zining Instagram’dagi sahifasiga mashinada bir erkak bilan ketayotgani tasvirlangan suratni joylashtirgan edi. Suratda esa erkakning yuzi ko‘rsatilmagan edi. Ayni tasvirlar katta muhokamaga sabab bo‘lgandi.
Muxlislarning "Turmush o‘rtog‘ingiz Moskvada yashaydimi, noyabr oyida ham Rossiyaga borgan edingiz?”, deb bergan savollariga, Lola "Ha” deya javob qaytardi. Uning rizolik aks etgan javobidan so‘ng, o‘nlab muxlislar xonandaga baxt tilashgan.
Bugun, 20 yanvar kuni Lola Instagram’dagi sahifasiga bo‘lajak turmush o‘rtog‘i bilan bog‘liq navbatdagi suratni joylashtirdi va unga go‘zal iqrorlarini ilova qildi.
"Sen, seni qalbining har bir hujayrasi bilan sevadigan, sen haqingda to‘xtovsiz o‘ylaydigan, har daqiqada, har kuni ayni vaqtda nima qilayotganing, qayerda, kim bilan ekaning, hammasi joyida ekani bilan qiziqadigan insonga loyiqsan. Senga orzularingning ushalishiga yordam beradigan, qo‘rqinchli hayollaringdan seni himoya qila oladigan, seni hurmat qiladigan, seni shundayligingcha, hatto, kamchiliklaring bilan sevadigan inson kerak. Senga seni chindanda baxtli qila oladigan kishi kerak. Balki men bunga loyiqdirman...”
YAqin kunlarda Lola Yo‘ldosheva ham o‘zining turmush qurayotgani haqida xabar berib, sevgan kishisini ommaga tanishtirsa, ajab emas.
Eslatib o‘tamiz, o‘tgan yilning 16 yanvar kuni Lola Yo‘ldoshevaning sobiq turmush o‘rtog‘i Shohruh ham uylangan edi. Shohruh va Lolaning bir o‘g‘il va bir qizlari bor.