Shaytanat serialida "Xongirey" obrazini gavdalantirgan bu aktyor Rustam Qayumov bo'lib, u 1973 yil 7-sentyabr sanasida Toshkent shahrida tug'ilgan.
U ko'pchiligimizga tanish "O'zbekston xalq artisti" marhum kinooperator Malik Qayumovni nabirasi hisoblanadi.
Qahramonimiz Toshkent shahri Mirzo Ulug'bek tumanidagi 50-o'rta maktabda o'qigan. Keyinchalik "Toshkent avtomil yo'llari" oliygohida tahsil olgan.
Rustam Qayumov tomoshabinlarga o'sha mashhur Xongirey obrazi bilan tanilgan bo'lib, aktyor sifatida faqat Shaytanat serialidagina suratga tushgan. Bu serialdan keyin u, boshqa birorta film yoki seriallarda ishtirok etmagan.
Rustam Qayumov keyinchalik o'z o'qigan soha bo'yicha ishlagan. Bugungi kunda u 47 yoshda bo'lib, yaqinlari bilan Moskva shahrida istiqomat qiladi.
Shaytanat serialidagi Arman ya'ni "Manukyan" obrazi bilan tomoshabinlarga tanish bu aktyor "O'zbekistonda xizmat ko'rsatgan artist" Mihail Kaminskiy bo'ladi. U 1953 yilda Toshkent shahrida tug'ilgan.
Bu aktyor 1980 yilda Toshkent teatr va rassomchilik san'ati oliygohini tamomlab, O'zbekiton davlat yoshlar teatrida ish boshlagan.
Keyinchalik u "Rus akademik drama teatri", Mark Vayl nomidagi "Ilxom" teatr studiyasi hamda "Olovuddin" nomidagi teatrlarda aktyor va rejissyor sifatida faoliyat yuritgan.
Mihail Kaminskiy o'zbek tomoshabinlariga nafaqat "Manukyan" obrazi bilan balki "Yetti haykal bitta kal" filmidagi roli bilan ham juda yaxshi tanish.
Aktyor hozirgacha o'ndan oshiq filmlarda suratga tushgan. Bugungi kunda u 67 yoshda bo'lib, oilasi bilan o'zi tug'ilib o'sgan Toshkent shahrida yashab kelmoqda.