Zuhra Ashurova 1961 yil 31-avgustda Toshkentdagi Do'rmon qishlog'ida tavvallud topgan.
Aktrisa oilada uch o'g'il va uch qizning beshinchisi bo'lgan.
Aktrisa o'rta maktabda o'qish bilan bir vaqtda, musiqa maktabida rubob chalishni ham o'rganib borgan.
Maktabni tamomlagach esa sa'natga bo'lgan qiziqishi sabab, Toshkent teatr va rassomchilik san'ati oliygohiga o'qishga kirgan.
Oliygohdagi o'qishni yakunlagach, hozirgi O'zbek milliy akademik drama teatriga ishga qabul qilingan va o'sha yerda aktrisa sifatidagi o'z faoliyatini boshlagan.
Zuhra Ashurova bugungacha ushbu teatrda ko'plab spektakllarda ishtirok etgan hamda o'nlab esda qolarli obrazlarni gavdalantirgan.
Ushbu aktrisa tomoshabinlarga asosan "Otalar so'zi-aqlning ko'zi" nomli ko'rsatuvidagi ishtiroki bilan tanilgan bo'lib, hozirgacha o'nlab film va seriallarda suratga tushgan.
Bulardan tashqari aktrisa dublaj sohasida ham ishlagan va bir necha film qahramonlariga o'zbek tilida ovoz bergan.
Zuhra Ashurova san'at sohasida o'zining ko'p yillik xizmatlari bois, 2000 yilda "O'zbekistda xizmat ko'rsatgan artist" hamda "O'zbekiston xalq artisti" unvonlari bilan taqdirlangan.
Ushbu aktrisa hayotida bir necha taqdir sinovlariga duch kelgan, 14 yoshida kasalga chalinib to'shakka mixlanib qolgan va keyinchalik chet davlatda davolanib tezda oyoqqa turib ketgan. Shu bilan birga aktrisa 1998 yilda otasidan 2008 yilda esa onasidan ayrilgan.
Aktrisaning shaxsiy hayoti to'xtaladigan bo'lsak, u 1987 yilda taniqli televideniya rejissyori Qahramon Ashurovga turmushga chiqqan. Bu inson xalqimizga tanish aktrisa Madina Muxtorovaning akasi bo'ladi.
Hozirda aktrisaning ikki qiz farzandi bo'lib, katta qizi ko'pchiligimizga yaxshi tanish boshlovchi Maftuna Ashurova bo'ladi.
Bugungi kunda 58 yoshdan oshgan Zuhra Ashurova o'z faoliyatini O'zbek milliy akademik drama teatrida davom ettirib kelmoqda.