Anvar Kartayev 1970 yilning 21-noyabr sanasida Toshkent shahrida tug'ilgan.
U bolalik chog'larida qo'shiq aytishga qiziqqan va kelajakda xonanda bo'lishni orzu qilgan. Lekin o'rta maktabni tamomlagach, uning bu qiziqishlari so'na boshlagan. 1987 yilda u Toshkent shahridagi ekskavatorlarni tamirlash zavodiga ishga qabul qilingan va bir necha yil ushbu zavodda elektrik bo'lib ishlagan.
Anvar Kartayev 1988 va 1990 yillar oralig'ida harbiy xizmatda bo'lib qaytgan. Aynan harbiy xizmatdan qaytgach undagi sa'natga bo'lgan qiziqish yanada ortgan.
U 1993 yilda Aviasozlar madaniyat saroyidagi studiyada, aktyorlik mahoratidan ta'lim ola boshlagan. Keyinchalik Toshkent teatr va rassomchilik san'ati oliygohining, drama va kino aktyorligi bo'limida tahsil olgan.
Ushbu aktyor o'z faoliyatini hozirgi "O'zbekiston Davlat Yoshlar teatri"da boshlagan. Bu teatrda bugungacha, o'nlab spektakllarda ishtirok etgan va turli harakterdagi obrazlarni gavdalantirgan.
Anvar Kartayev tomoshabinlarga asosan, O'zbek filmlaridagi salbiy qahramonlar obrazlari bilan yaxshi tanish bo'lib, hozirgacha "Ajal jodusi", "Mexmonxona", "Sardor 2" hamda "Maqsad" kabi yigirmadan oshiq film va seriallarda suratga tushgan.
Bulardan tashqari ushbu aktyor, "Sharq taronalari" xalqaro festivali, Amir Temurning 660 yilligi hamda Buxoro shahrining 2500 yilligiga ba'gishlangan bayram tantanalarida, rejissyor yordamchisi sifatida ham ishlagan.
Ushbu aktyor oilali, hozirgi kunda u oilasi bilan o'zi tug'ilib o'sgan Toshkent shahrida istiqomat qilmoqda.