Gulchehra Ibrohimbekova 1951 yilning 24-dekabr sanasida Samarqand shahrida tavallud topgan. U oilada bir o'g'il va to'rt qizning biri bo'lgan. Aktrisaning bolaligi Tojikistonning Dushanbe shahrida o'tgan.
Gulchehra Ibrohimbekova maktab davrida raqs to'garagida muntazm ishtirok etgan. Maktab tarbirlardagi chiqishlari orqali unda, aktrisalikka qiziqish paydo bo'lgan.
Qahramonimiz maktabni tamomlagach Toshkent teatr va rassomchilik san'ati oligohida tahsil olgan.
Aktrisa o'z faoliyatini hozirgi O'zbek milliy akademik drama teatrida boshlagan. Ushbu teatrdagi faoliyati davomida ko'plab spektakllarda ishtirok etgan bo'lib, ular orasida "Parvona" spektaklidagi "Nazokat" obrazi orqali xalqimizga tanilgan.
Aktrisa bu teatrda ko'pgina uztoz san'atkorlar bilan birga ishlagan, ular orasida taniqli o'zbek aktrisasi va qahramonimizni tog'asining ayoli Ikroma Boltayeva ham bo'lgan.
Gulchehra Ibrohimbekova kinoda bugungacha "Dev bilan pakana", "Suv yoqalab" hamda "Shabbona" kabi o'ndan oshiq filmlarda suratga tushgan. Kinodagi rollari orasida aktrisa, "Begona bahor" filmidagi qaynona obrazi bilan ko'pchilikning yodida qolgan.
Gulchehra Ibrohimbekova san'at sohasidagi uzoq yillik ish faoliyati orqali "O'zbekistonda xizmat ko'rsatgan artist" unvoni hamda bir necha nufuzli mukofotlarga sazovor bo'lgan.
Aktrisaning shaxsiy hayoti haqida: Gulchehra Ibrohimbekova 20 yoshida oliygohda birga o'qigan Turg'unbek ismli kursdoshiga turmushga chiqqan.
Ular turmushlari davomida bir o'gil va ikki qiz farzandli bo'lishgan.
Aktrisaning turmush o'rtog'i Turg'unbek aka ko'p yillar madaniyat kollejida o'qituvchi sifatida faoliyat yuritgan. Aktrisaning o'zi ham shu kollejda bir necha o'qituvchi sifatida ishlagan.
Gulchehra Ibrohimbekovaning hayotida baxtli kunlari bilan birga qayg'uli kunlari ham ko'p bo'lgan. U bir nech yil ichida onasidan, yolg'iz akasidan hamda bir opasi va bir singlisidan ayrilgan. Bu yo'qotishlar aktrisaga juda katta ruhiy zarba bo'lgan. Shu sababli u bir necha yillar teleekranlarda ko'rinmagan.
Gulchehra Ibrohimbekova bugungi kunda 68 yoshdan oshgan bo'lib, faoliyatini O'zbek milliy akademik drama teatrida davom ettirib kelmoqda.