Главная » 2020 » Mart » 1 » Zominda Ikkinchi jahon urush qatnashchisi yashayotgan uy yangidan ta’mirlab berildi

---

13:05 Zominda Ikkinchi jahon urush qatnashchisi yashayotgan uy yangidan ta’mirlab berildi

Markaziy harbiy okrug qo‘shinlari qo‘mondoni polkovnik Aybek Saidov ko‘rsatmasi bilan zominlik Ikkinchi jahon urushi qatnashchisi Pirnazar ota Ahmedovning uyi yangidan ta’mirlanib, xonadon jihozlab berildi. Bu haqda harbiy jurnalist kapitan G‘ayrat Madrahimov ma’lum qildi. Ma’lum qilinishicha, 30-yanvar kuni okrug qo‘mondoni birinchi marotaba Zomin tumani Pishag‘ar qishlog‘iga tashrif buyurib, 98 yoshga kirgan urush faxriysi bilan suhbatda bo‘lgan. Suhbatdan so‘ng Pirnazar ota yashayotgan uy nurayotganligi, xona esa zax hamda talabga javob bermasligini aytib, qomondon uyni yangidan ta’mirlashga ko‘rsatma bergan. 29-fevral kuni okrug qo‘mondoni, harbiy xizmatchilar, mahalla faollari hamda yoshlar hamrohligida Pirnazar ota yangi uyga ko‘chirilgan. U yashaydigan xonadon esa shinam va yorug‘, shu bilan birga zamonaviy uy jihozlar bilan ta’minlangan. Shu kuni urush faxriysi xonadonida hashar ham tashkil etildi. Harbiy orkestr ijrosida jangovar kuy-qo‘shiqlar yangradi. Pirnazar ota Ahmedov urushdan kichik serjant unvoni bilan qaytib kelgan. Uning 7 farzandi, 42 nevara, 92 yevara hamda 5 chevarasi bor. Bundan tashqari, Jizzax viloyati Zomin tumanida 9 nafar urush qatnashchisi yashaydi.

1 2 3 4 5 Категория: Har-Hil | Просмотров:534 | Добавил: moderator | Теги: yangilik | Рейтинг: 0.0/0

Всего комментариев: 0