Главная » 2022 » Iyul » 14 » Zelenskiy ofisi Ukraina Qurolli Kuchlarining qarshi hujumga o‘tish shartini ma’lum qildi

---

19:37 Zelenskiy ofisi Ukraina Qurolli Kuchlarining qarshi hujumga o‘tish shartini ma’lum qildi

Ukraina qo‘shinlari jangovar zirhli texnika va havo mudofaasi tizimlarida ustunlikka erishgandan keyingina qarshi hujumni boshlashi mumkin, dediUkraina prezidenti ofisi rahbarining maslahatchisi Aleksey Arestovich ‘‘Feygin Live’’ YouTube kanalida. Arestovichning so‘zlariga ko‘ra, Ukrainada yuqorida aytilgan harbiy texnika va qurol-yarog‘lar yetishmasa qo‘shinlar qarshi hujumga o‘ta olmaydi, biroq ularni Kiyevga yetkazib berish masalasi yaqin orada muhokama qilinadi. ‘‘Rossiya armiyasi hali ham bizdan ikki jihatdan ustun: bular zirhli transport vositalaridagi piyodalar soni va ularni qo‘llab-quvvatlovchi artilleriya’’, — dedi u. Ukraina harbiylari rus artilleriyasiga qarshilik ko‘rsatishni o‘rgandi, ular yetarlicha zirhli texnikaga ega bo‘lgach, "halqa yopiladi” hamda qo‘shinlar qarshi hujumga tayyor bo‘ladi, deydi Arestovich. 11-iyul kuni Ukraina prezidenti Vladimir Zelenskiy harbiylarga hozir Rossiya armiyasi nazorati ostida bo‘lgan janubiy qirg‘oqbo‘yi hududlarni jang bilan qaytarib olishni buyurgan edi. Qayd etilishicha, buning uchun Ukraina qurolli kuchlari G‘arb qurol-yarog‘lari bilan ta’minlangan "millionlab jangovar kuchlar”ni to‘plamoqda. Shu bilan birga, hujum "qanday vaqt oraliqlarida” o‘tkazilishi aytilmagan.

1 2 3 4 5 Категория: Har-Hil | Просмотров:123 | Добавил: moderator | Теги: yangilik | Рейтинг: 0.0/0

Всего комментариев: 0