Главная » 2020 » Iyun » 26 » Yurgen Klopp: “Bu g‘alaba Dalglish va Jerrard uchun. Ular buni 30 yil kutdi”

---

19:06 Yurgen Klopp: “Bu g‘alaba Dalglish va Jerrard uchun. Ular buni 30 yil kutdi”

"Liverpul” bosh murabbiyi Yurgen Klopp Angliya chempionatidagi g‘oliblikdan so‘ng o‘z fikrlari bilan o‘rtoqlashdi. "Aql bovar qilmaydi. Bu men tasavvur qilganimdan ham ortiqroq narsa ekan. Kenni Dalglish bizni qanday qo‘llab-quvvatlaganini bilaman. Bu chempionlik siz uchun. U buni 30 yil kutdi. Shuningdek, bu Stiven Jerrard uchun ham. Yigitlar barchangizdan ilhom oladi. Bizning ajoyib tariximiz tufayli jamoaga motivatsiya berish oson. "Manchester Siti” asabiy 100 daqiqani o‘tkazdi, men unda ishtirok etishni xohlamagan edim, lekin o‘yinni tomosha qilganim sababli bunga majbur bo‘ldim. Chempionlik futbolchilarimning katta yutug‘idir va men ularni shug‘ullantirayotganimdan judayam xursandman. Men buni 30 yil kutmadim, men bu yerda bor-yo‘g‘i beshinchi yilimni o‘tkazyapman, lekin bu haqiqiy g‘alaba, ayniqsa, uch oylik tanaffusdan keyin. Chunki futbol o‘ynashda davom etish, etmasligimizni hech kim bilmasdi. Kechagi o‘yindan so‘ng men kelajakka ishona boshladim. Bugungi o‘yin esa muxlislarga shu tuyg‘uni berdi. Uyda qolasiz degan umiddaman. Biz siz uchun buni qilishdan xursandmiz. Pandemiya hali tugagani yo‘q. Biz o‘yinni mehmonxonada birga tomosha qildik, shu sababli bu lahzalardan zavqlanishda davom etamiz. Bilaman, hozir insonlar uchun juda qiyin davr, lekin biz o‘zimizni ushlab tura olmadik. Imkon tug‘ilishi bilan chempionlikni muxlislarimiz bilan nishonlaymiz”, — deydi Klopp. "Liverpul” musobaqa yakunlanishiga 7 tur qolganida g‘oliblikni qo‘lga kiritib, APL rekordini o‘rnatdi. Jamoa ikkinchi o‘rinda borayotgan "Manchester Siti”dan 23 ochkoga ilgarilab ketgan.

1 2 3 4 5 Категория: Har-Hil | Просмотров:516 | Добавил: moderator | Теги: yangilik | Рейтинг: 0.0/0

Всего комментариев: 0