Yurak kasalligi belgilari - 19 Января 2020 - www.Nozim-Studio.com

Главная » » Yurak kasalligi belgilari

23:55 Yurak kasalligi belgilari
Yurak kasalligini belgilari va alomatlari. Odatda yurak kasalliklariga taxmin qilinuvchi og'riqlar: sanchiqli, achishuvchan, ezib va simillab og'ruvchi ko'rinishlarda bo'ladi. Bundan tashqari, og'riqlar nafaqat yurak sohasi, balki tananing boshqa a'zolarida ham sezilishi mumkin. Bo'yin sohasidagi og'riq. Bo'yin sohasidagi simillab, cho'ziluvchan og'riq, asta-sekin chap elka va qo'llarga tarqaladi. Ba'zida bunday og'riqning tez-tez takrorlanishi yurak bezovtaligini bildiradi. Holsizlik, nafas qisishi. Holsizlik, kamquvvatlilik va ba'zan bosh aylanishi bezovta qilishi hamda zinadan ko'tarilayotganingizda nafasingiz qisishi ham yurak hastaliklarini alomatlari hisoblanadi. Bu belgilar shifokorga ko'rinish uchuni etarli asos bo'ladi. Ko'ngil aynishi. Yurak og'riqlari chap ko'krak sohasida bo'ladi, degan tasavvurda bo'lsak-da, ayrim hollarda ko'ngil aynishi, loxaslik, jig'ildon qaynashi ham kasallikning erta belgilaridan bo'lishi mumkin. Odatda bunday belgilar yurak xuruji, infarkt yoki miokarddan oldin kuzatiladi. Tish va jag' og'riqlari. Kutilmaganda tish og'rig'ining paydo bo'lishi nafaqat og'iz bo'shlig'i kasalliklari, balki yurak-qon tomir faoliyati bilan bog'liq kasalliklarning belgisi ham bo'lishi mumkin. Bunday vaqtlarda shifokorga ko'rinish va ogriq yurak bilan bog'liqligi ehtimolini tekshirish lozim. Bosh og'rig'i. Bir oyda tez-tez takrorlanuvchi bosh og'rig'ining asab qo'zg'alishlari bilan yuzaga kelishi hamda qon bosimining o'zgarishi holatlari yurak-qon tomir faoliyati bilan bog'liq bo'lishi mumkin. Bunda bosh og'rig'i tez-tez takrorlanib, ko'z oldida yorug'lik siniqlari aks etsa, albatta shifokorga uchrash zarur. Diqqatni jamlolmaslik. Aritmiya ya'ni yurak pulsining tez yoki sekin urishi sabab, ayrim vaqtlarda diqqatni jamlash qiyinlashib, parishonxotirlik yuzaga keladi. Bu holat doimiy turmush tarzida bilinmay, kutilmaganda yuz beradi va bir muddat diqqatni jamlashning imkoni yo'qoladi. Huddi mana shu holat ham yurak-qon tomir kasalliklarini alomati hisoblanadi. Yurak kasalliklarini oldini olish uchun turmush tarzini yaxshi tarafga o'zgartirib, hazmi og'ir, yog'li va sho'r mahsulotlarni kamaytirish lozim. Qolaversa, bir kunda 3 km.dan 5 km.gacha piyoda yurish ham yurak-qon tomirlari faoliyatiga ijobiy ta'sir etadi.
1 2 3 4 5 Категория: Har-Hil \| Просмотров:917 \| Добавил: Admin \| Теги: foydali, Yurak kasalligi belgilari \| Рейтинг: 0.0/0