Главная » 2022 » May » 14 » Yuqori Chirchiqda sodir bo‘lgan kuchli yog‘ingarchilik oqibatida 25 ta xonadonga suv kirdi

---

10:48 Yuqori Chirchiqda sodir bo‘lgan kuchli yog‘ingarchilik oqibatida 25 ta xonadonga suv kirdi

Toshkent viloyati Yuqori Chirchiqda tumanida kuchli yog‘ingarchilik kuzatildi, deya xabar bermoqda Favqulodda vaziyatlar vazirligi. Ma’lum qilinishicha, 14-may kuni soat 18:20 larda Toshkent viloyati hududi bo‘ylab qisqa muddatda kuchli yomg‘ir yog‘ishi natijasida viloyatning Yuqori Chirchiq tumani "Navbahor” MFY hududidan oqib o‘tuvchi Yayilmasoy o‘zanida yomg‘ir suvlari toshishi sodir bo‘lgan. Buning oqibatida Obod turmush ko‘chasida joylashgan, taxminan, 25 ta aholi xonadoni, tomorqa yer maydonlariga suv kirishi kuzatilgan. Sodir bo‘lgan hodisa oqibatlarini bartaraf etish ishlariga viloyat Favqulodda vaziyatlar boshqarmasi hamda uning hududiy bo‘limi, Yuqori Chirchiq tumani Favqulodda vaziyatlarda davlat tizimiga kiruvchi korxona va tashkilotlarning kuch vositalari jalb etilib, aholi xonadonlarida suv tortish ishlari olib borildi. Hozirda toshqin suvlari talafotlari bartaraf etilgan. Yuzaga kelgan hodisa oqibatida "Navbahor” mahallasi Obod turmush ko‘chasi hududidagi poydevorga ega bo‘lmagan xom g‘ishtdan qurilgan xonadon binosiga zarar yetgan. Mazkur holat oqibatida fuqarolarning tan jarohati olishi va uy hayvonlari nobud bo‘lishi to‘g‘risida ma’lumotlar kelib tushmagan.

1 2 3 4 5 Категория: Har-Hil | Просмотров:311 | Добавил: moderator | Теги: yangilik | Рейтинг: 0.0/0

Всего комментариев: 0