Главная » 2020 » Yanvar » 29 » Yunusobod metrosidagi fojia bo‘yicha hukumat komissiyasi xulosasi “ikki-uch kunda” e’lon qilinadi

---

22:36 Yunusobod metrosidagi fojia bo‘yicha hukumat komissiyasi xulosasi “ikki-uch kunda” e’lon qilinadi

Toshkent metropoliteni "Yunusobod” yo‘lining davomini qurish vaqtida, 18-dekabr kuni yuz bergan tuproq ko‘chishi oqibatida olti ishchi halok bo‘lgan edi. Hodisa yuz bergan kuniyoq uning sabablarini o‘rganish, oqibatlarini bartaraf etish hamda kelgusida shu kabi holatlarning oldini olish bo‘yicha hukumat komissiyasi tuzilgan edi. Fojiadan keyingi salkam bir yarim oylik davr mobaynida hukumat komissiyasi faoliyati haqida biror axborot berilgani yo‘q, shuningdek, komissiya xulosasi, fojia sabablari va aybdorlari ham e’lon qilinganicha yo‘q. Vaholanki, O‘zbekistondagi amaldagi tartibga ko‘ra, 5 va undan ziyod kishining o‘limiga sabab bo‘lgan baxtsiz hodisalar hukumat komissiyasi tomonidan tekshirilishi va komissiya 15 kun ichida baxtsiz hodisa yuzasidan maxsus tekshirish dalolatnomasini tuzishi lozim. Mavzuga doir: Bosh prokuratura Yunusobod metrosi qurilishidagi fojia yuzasidan jinoyat ishi ochdi. Aybdorlar ko‘pi bilan 5 yilgacha qamalishi mumkin Ayni vaqtda, Bandlik va mehnat munosabatlari vazirligi Davlat mehnat inspeksiyasi boshlig‘i Qudratullo Odinayevning aytishicha, hukumat komissiyasi xulosasi "ikki-uch kun ichida” e’lon qilinadi. "Barcha tashkilotlarning xulosalari umumlashtirilgan holda prokuraturaga taqdim etilgan... Uzog‘i bilan ikki-uch kunda komissiya xulosasi e’lon qilinadi va OAV orqali jamoatchilikka ma’lumot beriladi”, — deya Odinayevning so‘zlaridan iqtibos keltirmoqda "Kun.uz”.

1 2 3 4 5 Категория: Har-Hil | Просмотров:623 | Добавил: moderator | Теги: yangilik | Рейтинг: 0.0/0

Всего комментариев: 0