Главная » 2018 » May » 31 » YPX xodimiga bo‘ysunmagan avtomobil o‘g‘risi 11 yilga qamaldi

---

10:57 YPX xodimiga bo‘ysunmagan avtomobil o‘g‘risi 11 yilga qamaldi

Sud YPX xodimiga bo‘ysunmagan avtomobil o‘g‘risini 11 yilga ozodlikdan mahrum qildi. Bu haqda Toshkent shahar IIBB Matbuot xizmati xabar bermoqda.   "70 Z 578 DA” davlat raqamli Matiz avtomobilining olib qochilgani haqidagi xabar barcha YPX postlariga kelib tushadi. Oradan vaqt o‘tadi, barcha nazoratchilar qatori YPX brigadasining 3-divizioni mobil guruhi inspektori Dilshod Jo‘rayev "Nazarbek” postidan o‘tayotgan mashinalarni sinchiklab tekshirar ekan, qidiruvdagi mashinani darrov payqadi va unga to‘xtash buyrug‘ini berdi.   Biroq, YPX xodimiga bo‘ysunmagan jinoyatchi tezlikni oshirib, harakatni davom ettiradi. Shunda inspektor avtomobil kapot ustiga o‘zini otadi, biroq sodir etgan jinoyatining jazosidan qo‘rqqan qonunbuzar mashina rulini turli tomonlarga burib, xodimdan qutilmoqchi bo‘ladi. Mashinaning qisqa burilishlari oqibatida yiqilib tushgan xodim tan jarohatini oldi. Ammo u boshqa YPX xodimlari tomonidan qo‘lga olinadi.   Ushbu holat yuzasidan Uchtepa tuman prokuraturasi tomonidan muqaddam sudlangan, 1985 yilda tug‘ilgan Sh.Shukurga (ismi o‘zgartirilgan) nisbatan O‘zbekiston Respublikasi Jinoyat kodeksining bir qator, jumladan, 105, 219, 267, 122 va 226 – moddalari bilan jinoyat ishi qo‘zg‘atilib, sud tomonidan 11 yilga ozodlikdan mahrum etish jazosi belgilandi.

1 2 3 4 5 Категория: Har-Hil | Просмотров:1070 | Добавил: Moderator | Рейтинг: 0.0/0

Всего комментариев: 0