Главная » 2020 » Iyun » 29 » Yevropaning Rossiya bilan chegaradosh shimoliy qismida radioaktiv moddalar darajasi oshib ketgani aniqlandi. Rossiya esa buni rad etmoqda

---

15:21 Yevropaning Rossiya bilan chegaradosh shimoliy qismida radioaktiv moddalar darajasi oshib ketgani aniqlandi. Rossiya esa buni rad etmoqda

Norvegiya, Finlyandiya va Shvetsiya radiatsion monitoring datchiklari iyun oyida radioaktiv moddalar darajasi biroz oshganini qayd etdi, deb xabar beradi The Barents Observer. Iyun oyining boshida Norvegiyada — Rossiyaning Kola yarimoroli chegarasi yaqinida Yod-131 aniqlangan. Iyun oyining o‘rtalarida Finlyandiya va Shvetsiyada seziy radionuklidi, kobalt va ruteniy topilgan — Seziy-134, Seziy-137, Kobalt-60 va Ruteniy-103. Niderlandiya atrof-muhit va sog‘liqni saqlash milliy instituti olingan ma’lumotlarni tahlil qilib, radionuklidlar Rossiyaning g‘arb tomonidan kelgani to‘g‘risida xulosa bergan. Tashkilotning ma’lum qilishicha, radioaktiv moddalar havoda AESdagi yoqilg‘i elementiga yetgan zarardan so‘ng paydo bo‘lgan bo‘lishi mumkin. Institutning ta’kidlashicha, izotoplar miqdori shu qadar kamki, u atrof-muhit yoki inson sog‘lig‘iga zarar yetkazmaydi. Yadro sinovlarini butunlay taqiqlash to‘g‘risidagi shartnoma tashkiloti Tayyorlov komissiyasi rahbari Lassina Zerbo 22—23-iyun kunlari topilgan izotoplarning taxminiy xaritasi bilan bo‘lishdi. Ushbu hududlar Boltiq dengizi, Yevropaning shimoliy mamlakatlari, shuningdek, Rossiya g‘arbi va Sankt-Peterburgni o‘z ichiga oladi. "Rosgidromet” Boltiq dengizi hududida radioaktiv moddalar darajasi oshgani qayd etilmaganini ma’lum qilgan. Ularning ta’kidlashicha, dengizdagi stansiyalarda gamma-nurlanish miqdori normada. "Rosenergoatom” esa iyun oyida Leningrad va Kola AESlarida birorta holat qayd etilmaganini, stansiyalardan chiqayotgan izotoplarning umumiy miqdori nazorat qiymatidan oshmaganini bildirgan.

1 2 3 4 5 Категория: Har-Hil | Просмотров:424 | Добавил: moderator | Теги: yangilik | Рейтинг: 0.0/0

Всего комментариев: 0