Главная » 2020 » Mart » 18 » Yevropada avtomobil ishlab chiqarish to‘xtatiladi

---

16:54 Yevropada avtomobil ishlab chiqarish to‘xtatiladi

Yevropa mamlakatlarida koronavirus Covid-19 pandemiyasining tarqalishi fonida avtomobil ishlab chiqarish to‘xtatiladi, deb yozadi "Korrespondent.net”. Shunday qilib, Fransiyaning Peugeot, Citroen, DS, Vauxhall va Opel brendlari ostida mashinalar ishlab chiqaradigan PSA Group kompaniyasi guruhi Yevropada barcha korxonalari 27-martgacha yopilishini e’lon qildi. 16-martdan boshlab PSA kompaniyasi Fransiyaning Myuluz va Ispaniyaning Madrid shaharlaridagi zavodlari faoliyatini to‘xtadi. 27-martdan esa Fransiyadagi uchta, Ispaniyaning Saragosa shahridagi bitta korxona, Germaniyadagi ikkita zavod, shuningdek Britaniya va Polshadagi korxonalar yopiladi. 18-martdan Portugaliyadagi zavod, Fransiyaning Orden, Ispaniyaning Vigo shaharlaridagi zavodlar ishini to‘xtatadi. 19-martdan Britaniyaning Luton shahri va Slovakiyadagi korxonalar ham yopiladi. Fiat Chrysler kelgusi ikki hafta ichida barcha ishlab chiqarish korxonalari, xususan sakkizta zavoodini yopadi. Ulardan oltitasi Italiyada joylashgan. Fransiyaning Renault SA kompaniyasi Ispaniyadagi barcha sanoat operatsiyalarini mamlakat hukumati 15 kunga favqulodda holat rejimini e’lon qilganidan so‘ng vaqtincha to‘xtatishga qaror qildi. Ish favqulodda holat rejimi tugaganidan so‘ng boshlanadi. Fransiyaning shinalar ishlab chiqaruvchisi Michelin kompaniyasi 17-martdan Italiya, Ispaniya va Fransiyadagi korxonalarni kamida bir hafta davomida yopishni e’lon qildi. Kompaniyaning ta’kidlashicha, vaziyatga qarab ishni to‘xtatib turish muddati uzaytirilishi hamda va boshqa Yevropa mamlakatlarida ham joriy etilishi mumkin. Germaniyaning Volkswagen kompaniyasining ma’lum qilishicha, ehtiyot qismlarni yetkazib berishdagi uzilishlar, shuningdek, mintaqadagi turli mamlakatlar tomonidan favqulodda vaziyatlar rejimlarining joriy etilishi tufayli Yevropa fabrikalarida ishlab chiqarish hajmini saqlab qolish qiyin kechmoqda. Shu bilan birga kompaniya Xitoyda vaziyat yaxshilangani uchun 33 ta korxonasidan 31 tasida ishlab chiqarish qayta tiklanganini qo‘shimcha qildi. Italiyaning Lamborghini va Bugatti ishlab chiqaradigan VW zavodlari ishlab chiqarishni allaqachon to‘xtatgan. Eslatib o‘tamiz, dunyo bo‘yicha koronavirusga chalinganlar soni 198 mingdan oshdi. Xubeyda bir sutkada bir bemor aniqlandi, Ispaniyada esa 182 kishi vafot etdi.

1 2 3 4 5 Категория: Har-Hil | Просмотров:550 | Добавил: moderator | Теги: yangilik | Рейтинг: 0.0/0

Всего комментариев: 0