Главная » 2020 » Aprel » 7 » Yer aholisi odatdagidan 7 foizga kattaroq super Oyni kuzatishi mumkin bo‘ladi

---

18:40 Yer aholisi odatdagidan 7 foizga kattaroq super Oyni kuzatishi mumkin bo‘ladi

Yer yuzida pandemiya hukm surayotgan, jahon iqtisodiyoti inqiroz yoqasiga kelib qolgan bir vaqtda sayyora aholisi 8-aprel, chorshanba kuni, super Oyni kuzatishi mumkin bo‘ladi, deb xabar berdi Science Alert. Shu kuni Yer uzra eng yorqin super Oy kuzatiladi. Sayyoraning tabiiy yo‘ldoshi 2020-yilda kuzatiladigan qolgan to‘lin Oylardan ko‘ra yorqinroq va kattaroq ko‘rinadi — u 7 foizga "kattalashadi” va 15 foiz yorqinroq nur qaytaradi. Buning sababi Oy perigeyga — o‘z orbitasining Yerga eng yaqin nuqtasiga tushadi. Super Oyni sayyoraning turli qismlaridan turib, turli vaqt oralig‘ida kuzatish mumkin bo‘ladi. Masalan, Avstraliyada u 8-aprel kechasi ko‘rinsa, yevropaliklar 8-aprelning ilk soatlarida kuzatishi mumkin, AQSh aholisi esa 7-aprel kuni kechasi. Super Oy — to‘lin Oy yoki yangi Oy chiqishi Oyning Yerga maksimal darajada yaqinlashish vaqtiga to‘g‘ri kelgan paytda sodir bo‘ladigan astronomik hodisa. Yorqin qizil rang esa osmon jismi sayyora soyasida turishi, va uning yuzasiga faqat yorug‘likning bir qismi tushishi hisobiga yuzaga keladi. Eslatib o‘tamiz, 2018-yilning fevralida tarmoqlarda qip-qizil tusga kiradigan moviy Oyning, shuningdek, super Oyning ilk suratlari paydo bo‘lgandi.

1 2 3 4 5 Категория: Har-Hil | Просмотров:570 | Добавил: moderator | Теги: yangilik | Рейтинг: 0.0/0

Всего комментариев: 0