Главная » 2020 » Iyun » 28 » Yashnoboddagi yog‘ qadoqlash sexida yong‘in chiqdi

---

13:12 Yashnoboddagi yog‘ qadoqlash sexida yong‘in chiqdi

28-iyun kuni soat 04:13 da Toshkentning Yashnobod tumanida joylashgan yog‘ qadoqlash sexida yong‘in yuzaga keldi. Bu haqda poytaxt FVB axborot xizmati xabar berdi. Ma’lumotlarga ko‘ra, Yashnobod tumani Jarqo‘rg‘on ko‘chasi 22-uyda joylashgan Agro oil food MChJga qarashli yog‘ qadoqlash sexida yong‘in kelib chiqqan. Yong‘in oqibatida sexning 300 metr kvadrat maydoni yonib ketgan. Ta’kidlanishicha, yong‘in-qutqaruv jangovar bo‘linmalari manzilga soat 04:20 da yetib borgan va ko‘rilgan tezkor choralar natijasida yong‘in soat 05:12 da to‘liq bartaraf etilgan. Yong‘in joyiga 7 ta yong‘in-qutqaruv texnikasi jalb qilingan. Hozirda yong‘in sabablari va yong‘indan keltirilgan moddiy zarar miqdori aniqlanmoqda. Avvalroq Andijondagi tikuv sexida va Sergelidagi paxta korxonasi omborxonasida yong‘in chiqqani to‘g‘risida xabar berilgandi.

1 2 3 4 5 Категория: Har-Hil | Просмотров:464 | Добавил: moderator | Теги: yangilik | Рейтинг: 0.0/0

Всего комментариев: 0