Главная » 2020 » Iyun » 26 » Yaqin Sharqda yangi urush o‘chog‘i paydo bo‘lmoqda – BMT

---

12:08 Yaqin Sharqda yangi urush o‘chog‘i paydo bo‘lmoqda – BMT

25 may kuni Birlashgan Millatlar Tashkilotining Yaqin Sharq bo‘yicha maxsus koordinatori Nikolay Mladenov Isroilning G‘arbiy Sohil qismini qo‘shib olishga harakat qilishi yana bir mintaqaviy urushni keltirib chiqarishi mumkinligini aytdi. "Siz (Isroil - tahr.) bo‘shliqni paydo qilasiz, siz siyosiy nuqtai nazarni istisno qilasiz, ijobiy jihatlarni yo‘qqa chiqarasiz. Oqibatda kimdir juda tez paydo bo‘ladi va bo‘sh qolgan joylarni salbiy va halokatli narsalar bilan to‘ldiradi", dedi Mladenov Quddusdagi jurnalistlarga. Uning so‘zlariga ko‘ra, mumkin bo‘lgan anneksiya tuzatib bo‘lmaydigan ziyon yetkazishi, falastinliklarni ekstremizm tomon burishi va mintaqaviy mojaroga olib kelishi mumkin. Avvalroq, bir qator Yeropa va Arab davlatlari Isroilni anneksiya rejalaridan voz kechishga chaqirgan edi. Misr va Iordaniya, Isroil bilan tinchlik shartnomasi tuzilgan yagona arab mamlakatlari, agar ular G‘arbiy sohil rejalarini amalga oshirsa, o‘zaro munosabatlarni qayta ko‘rib chiqishlari haqida ogohlantirgandi. Eslatib o‘tamiz, Isroilning Falastin yerlarini G‘arbiy Sohilga qo‘shib olishi AQSH Prezidenti Donald Tramp tomonidan 28 yanvar kuni taqdim etilgan "asr kelishuvi"da ko‘zda tutilgan. Ushbu reja Isroil hukumatiga G‘arbiy Sohilning qariyb 30 foizini anneksiya qilishiga imkoniyat beradi.

1 2 3 4 5 Категория: Har-Hil | Просмотров:481 | Добавил: moderator | Теги: yangilik | Рейтинг: 0.0/0

Всего комментариев: 0