Yaponiya janubidagi Kyusyu orolida joylashgan Kumamoto prefekturasida mamlakatdagi eng yirik vulqon harakatga keldi, deb xabar bermoqda "Rossiyskaya gazeta”. Aso deb nomlangan vulqon tutunining balandligi bir kilometrga yetgan. Vulqon krateridan otilayotgan kul 30 kilometr uzoqlikdan ham ko‘rinmoqda. Mutaxassislar aholini ehtiyotkorlikka chaqirmoqda. Xavfli hududga bir kilometrdan yaqinroqqa kelish taqiqlangan. Eslatib o‘tamiz, sentabr oyi oxirida Tokiodan 200 kilometr uzoqlikda joylashgan Ontake vulqonining kutilmaganda harakatga kelishi oqibatida 56 kishi halok bo‘lgan edi.