Главная » 2020 » Fevral » 25 » Yaponiyada Yer yuzidagi eng keksa erkak vafot etdi

---

13:38 Yaponiyada Yer yuzidagi eng keksa erkak vafot etdi

Yaponiyaning Niigata prefekturasida ikki hafta oldin sayyoradagi eng keksa erkak deb rasman tan olingan 112 yoshli Titetsu Vatanabe vafot etdi, deb xabar beradi Kyodo agentligi. Ma’lumotlarga ko‘ra, u 23-fevral kuni Dzyoetsu shahrida joylashgan qariyalar uyida olamdan o‘tgan. Vatanabe 12-fevral kuni Yer sayyorasidagi eng keksa erkak nomiga sazovor bo‘lgandi. O‘sha vaqtda u 112 yosh-u 344 kunlik edi. Ginnes rekordlar kitobining vakillari unga tegishli sertifikatni ham topshirgan. Titetsu Vatanabe 1907-yil 5-martda tug‘ilgan. U oilasidagi sakkiz farzandning to‘ng‘ichi edi. O‘qishni tamomlagach, Dai-Nippon Meiji Sugar kompaniyasining xodimiga aylangan va Tayvanga ko‘chib ketgan. Uning vazifasi plantatsiyalardan shakarqamishlarni yetkazib berish bo‘yicha shartnomalar tuzishdan iborat bo‘lgan. Ikkinchi jahon urushida qatnashgan. 1974-yilga qadar (nafaqaga chiqquncha) qishloq xo‘jaligi sohasida ishlagan. Vatanabening 5 nafar farzandi, 12 nafar nabirasi va 16 evarasi bor.

1 2 3 4 5 Категория: Har-Hil | Просмотров:636 | Добавил: moderator | Теги: yangilik | Рейтинг: 0.0/0

Всего комментариев: 0