Главная » 2016 » Avgust » 2 » Yaponiyada haydovchisiz avtobus sinovdan o‘tkazilmoqda

---

17:50 Yaponiyada haydovchisiz avtobus sinovdan o‘tkazilmoqda

Yangi noodatiy transport vositasidan maqsad yo‘l-transport hodisalarini kamaytirishdan iborat. Yaponiya poytaxti Tokio shahriga yaqin Tiba prefekturasida birinchi haydovchisiz boshqariladigan avtobus dastlabki sinovlardan  o‘tkazilmoqda. Bu haqda TACC xabar berdi.   Avtobusning tashqi ko‘rinishi to‘rt g‘ildirak ustidagi funikulerni eslatadi. Uning ichiga 12 yo‘lovchi sig‘ishi mumkin va ulardan yarmi uchun o‘rindiqlar mavjud.   Mazkur transport vositasining tezligi soatiga 5-7 kilometrni tashkil etadi. Uni sinovdan o‘tkazish uchun Toyosuna bog‘idagi maydon tanlandi. Bunday turdagi avtobuslar oddiy yo‘lda  hozircha harakatlana olmaydi. Bunga sabab qonunchilikda bunday avtobus harakati to‘g‘risidagi band yo‘q.   Sinov paytida avtobus bog‘ bo‘ylab harakatlanadi va 400 metrlik masofani besh daqiqa ichida bosib o‘tadi. Yo‘l haqi 200 yena (1.9 AQSH dollari)ni tashkil etadi. Ushbu noodatiy transport vositasi bolalar o‘rtasida keng foydalanilishi tayin. Chunki, bolalar uchun 50 foizlik chegirma bor.   Bunday avtobusdan foydalanishdan maqsad, yo‘l-transport hodisalarini kamaytirishdan iborat. Ma'lumotlarga qarganda,  haydovchisiz avtobuslar Yaponiyada  2020 yildan boshlab keng ishlab chiqarila boshlanadi.

1 2 3 4 5 Категория: Har-Hil | Просмотров:1318 | Добавил: Admin | Теги: Yaponiyada haydovchisiz avtobus sin | Рейтинг: 0.0/0

Всего комментариев: 0