Главная » 2018 » May » 31 » Yaponiya O‘zbekistonga 7 mln dollarlik yo‘l-qurilish texnikasini taqdim etadi

---

12:07 Yaponiya O‘zbekistonga 7 mln dollarlik yo‘l-qurilish texnikasini taqdim etadi

Yaponiya O‘zbekistonga umumiy qiymati 800 million iyen (7,3 million dollar) bo‘lgan yo‘l-qurilish texnikasini beg‘araz asosda taqdim etadi. Bu O‘zbekiston va Yaponiya vakillari o‘rtasida Toshkentda imzolangan almashuv notalarida nazarda tutilgan, deya xabar beradi Sputnik. "Grant loyihasi doirasida O‘zbekiston Yaponiyaning Sakai Heavy Industries kompaniyasi texnikasiga ega bo‘ladi. Mazkur texnikadan Sirdaryo, Jizzax, Xorazm viloyatlari hamda Qoraqalpog‘istonda ‘Obod qishloq’ dasturini amalga oshirish doirasida yo‘l-ta’mirlash ishlarida foydalaniladi. O‘zbekistonga turli xil yo‘lsozlik texnikalari hamda ularning ehtiyot qismlari taqdim etiladi”, — deb ma’lum qildi Yaponiyaning O‘zbekistondagi elchixonasi. Ma’lumot uchun, shu yil mart oyi boshida O‘zbekiston Xitoyda ishlab chiqarilgan 100 dan ortiq yo‘l-qurilish texnikasini sotib olgandi. Yil o‘rtasiga qadar yana 100 ta yo‘l-ta’mirlash va yo‘l-qurilish texnikasini sotib olish rejalashtirilgan.

1 2 3 4 5 Категория: Har-Hil | Просмотров:1186 | Добавил: Moderator | Рейтинг: 0.0/0

Всего комментариев: 0