Главная » 2017 » Avgust » 28 » Xushxabar: Xitoy–O‘zbekiston o‘yinini jonli ko‘ramiz!

---

20:11 Xushxabar: Xitoy–O‘zbekiston o‘yinini jonli ko‘ramiz!

Bugun, bundan bir necha soatlar oldin 2018 yil Rossiyada bo‘lib o‘tadigan Jahon chempionati saralash bosqichidan o‘rin olgan futbol bo‘yicha Xitoy va O‘zbekiston terma jamoalari o‘rtasidagi uchrashuv jonli efirda namoyish etilishi so‘roq ostida turgani haqida xabar bergan edik.   Olingan ma'lumotlarga ko‘ra, "Sport” teleradiokanali o‘z dasturlariga o‘zgartirish kiritdi va mazkur uchrashuv 31 avgust, payshanba kuni soat 16:45 dan boshlab efirga uzatilishi rejalashtirilmoqda.   Ushbu mavzuga taalluqli yana bir xabar: bugun, 28 avgust kuni O‘zbekiston milliy terma jamoasi Toshkent vaqti bilan soat 21.00 da Xitoyga jo‘nab ketadi.   Safar Toshkent–Pekin aviayo‘nalishi bo‘yicha amalga oshiriladi. Terma jamoa uchun alohida charter reys ajratilmagan. Pekinga parvoz 6 soat davomida amalga oshiriladi.   Eslatib o‘tamiz, O‘zbekiston terma jamoasi 31 avgust kuni safarda Xitoyga qarshi maydonga tushgandan keyin 5 sentyabr kuni Toshkentda Janubiy Koreyani qabul qiladi.   Ma'lumot o‘rnida, O‘zbekiston terma jamoasi JCH–2018 saralash bosqichi 8-turidan keyin 12 ochko to‘plab, to‘g‘ridan-to‘g‘ri qo‘lga kiritilishi mumkin bo‘lgan yagona yo‘llanma uchun kurashda 2-o‘rindagi Janubiy Koreyadan atigi 1 ochkoga ortda qolmoqda.

1 2 3 4 5 Категория: Har-Hil | Просмотров:1859 | Добавил: Admin | Теги: Xushxabar: Xitoy–O‘zbekiston o‘yini | Рейтинг: 0.0/0

Всего комментариев: 0