Главная » 2020 » Iyun » 24 » Xorijliklar uchun bekor qilingan 2020-yilgi Haj ziyoratida Saudiya Arabistonidan necha kishi qatnashishi ma’lum qilindi

---

17:34 Xorijliklar uchun bekor qilingan 2020-yilgi Haj ziyoratida Saudiya Arabistonidan necha kishi qatnashishi ma’lum qilindi

2020-yilgi Haj ziyoratida Saudiya Arabistonining o‘zidan 10 ming ziyoratchi ishtirok etishi mumkin. Bu haqda Saudiya Arabistoni Haj va Umra ishlari vaziri Muhammad Solih ma’lum qildi, deb xabar bermoqda Toshkent islom instituti. Haj va Umra ishlari vaziri Muhammad Solihning ma’lum qilishicha, 2020-yilgi Haj mavsumida Makka va Madina shaharlari 10 ming ziyoratchini qabul qila oladi. Shuningdek, vazirning aniqlik kiritishicha, 2020-yilgi Haj ziyoratchilari soni juda cheklangan bo‘ladi. "Bu yil ziyoratchilar soni juda cheklangan bo‘ladi va 10 mingdan oshmasligi kerak. Bu ichki Haj hisoblanib, chet eldan kelgan ziyoratchilar qabul qilinmaydi”, — degan vazir Muhammad Solih. Qayd etilishicha, Haj ziyoratchilarining barchasi koronavirus uchun test topshiradi va haj amallari tugagandan so‘ng, 14 kun karantinga olinadi. Eslatib o‘tamiz, koronavirus pandemiyasi sababli Saudiya Arabistoni xorijlik ziyoratchilar uchun 2020-yilgi Haj ziyoratini bekor qildi. Saudiya Arabistoni Haj va Umra ishlari vazirligi 2020-yilgi Haj mavsumini faqat Saudiya Arabistoni ichida bo‘lib turgan fuqarolardan iborat ziyoratchilar uchun 28-iyuldan 2-avgustgacha bo‘lgan vaqt oralig‘ida tashkil qilish haqida qaror qabul qildi.

1 2 3 4 5 Категория: Har-Hil | Просмотров:450 | Добавил: moderator | Теги: yangilik | Рейтинг: 0.0/0

Всего комментариев: 0