Главная » 2020 » Mart » 24 » Xorijdagi o‘zbekistonliklar koronavirusga chalinsa qayerda davolanadi?

---

15:05 Xorijdagi o‘zbekistonliklar koronavirusga chalinsa qayerda davolanadi?

Koronavirus qaysi davlatda qayd etilgan bo‘lsa, o‘sha davlatda davolanadi. Bu haqda Davlat Bosh sanitariya vrachi Bahrom Almatov bugun, 24 mart kuni o‘tkazilgan brifingda ma’lum qildi. "Xalqaro tibbiy-sanitariya qonun-qoidalariga asosan, yuqumli kasallik qaysi davlatda qayd etilgan bo‘lsa, o‘sha davlatning sog‘liqni saqlash tizimi xizmati tomonidan davolash yo‘lga qo‘yilgan. Bemorni boshqa davlatlarga yuborish mumkin emas. Agarda chegaradan o‘tish jarayonida aniqlansa, u yerdagi sanitariya-karantin postlaridagi tibbiyot xodimlari tomonidan kasallikda gumon qilingan bemorlar, fuqaroligi kim bo‘lishidan qat’i nazar, vaqtinchalik "izolyator”larga joylashtiriladi. Va tibbiyot muassasasiga telefon orqali murojaat qilib, belgilangan yuqumli kasalliklar shifoxonasiga gospitalizatsiya qilinadi va o‘sha yerda o‘z vaqtida tashxis qo‘yish, davolash tadbirlari davom ettiriladi”, dedi Bahrom Almatov. Eslatib o‘tamiz, O‘zbekistonda koronavirusni yuqtirib olish bilan bog‘liq ilk holat joriy yilning 15 mart kuni qayd etilgan edi. Ayni vaqtda ushbu virusni yuqtirib olganlar 49 nafarga yetdi.

1 2 3 4 5 Категория: Har-Hil | Просмотров:573 | Добавил: moderator | Теги: yangilik | Рейтинг: 0.0/0

Всего комментариев: 0