Главная » 2018 » May » 4 » Xorazmlik maktab direktori poraxo‘rlikning “yangi usul”ini o‘ylab topdi

---

18:50 Xorazmlik maktab direktori poraxo‘rlikning “yangi usul”ini o‘ylab topdi

Xorazmlik maktab direktori poraxo‘rlikning "yangi usul”ini o‘ylab topdiXorazm viloyati Bog‘ot tumanidagi musiqa va san'at maktablaridan birida direktor bo‘lib ishlovchi, 1986 yil tug‘ilgan, S.S. qo‘shimcha daromadga ega bo‘lishning "yangi usulini” o‘ylab topgan.  U o‘zi rahbarlik qiluvchi maktabda ishlovchi o‘qituvchilarni barchasidan ishdan bo‘shatishlikni so‘rab ariza yozdirib olib, kelgusida ushbu arizalariga asosan ishdan bo‘shatib yubormasligi evaziga har biridan 200 AQSH dollari talab qilgan. Shundan so‘ng, o‘z haq-huquqlarini taniydigan o‘qituvchilar huquqni muhofaza qiluvchi organlarga murojaat qilgan. 2018 yilning 28 aprel kuni o‘zining xizmat xonasida o‘qituvchidan 1 500 000 so‘m pulni olib, uni kelgusida ishdan bo‘shatmaslikka va'da bergan direktorning qilmishi huquqni muhofaza qiluvchi organ xodimlari tomonidan fosh etildi. Uning xonasidagi seyf ichidan pora tariqasida olingan pullar hamda maktab o‘qituvchilari tomonidan ishdan bo‘shatishni so‘rab yozilgan arizalar ashyoviy dalil tariqasida olingan. Xorazm IIV ma'lum qilishicha, mazkur holat yuzasidan Jinoyat Kodeksining 210-moddasi 2-qismi bilan jinoyat ishi qo‘zg‘atilib, tergov harakatlari olib borilmoqda.

1 2 3 4 5 Категория: Har-Hil | Просмотров:1286 | Добавил: Moderator | Рейтинг: 0.0/0

Всего комментариев: 0