Главная » 2016 » Iyul » 16 » Xonanda Diyor Mahkamov Turkiyadagi isyonlar vaqtida Istanbulda bo‘lgani ma'lum bo‘ldi

---

23:48 Xonanda Diyor Mahkamov Turkiyadagi isyonlar vaqtida Istanbulda bo‘lgani ma'lum bo‘ldi

Turkiyadan ijtimoiy tarmoqlar orqali aloqaga chiqqan Diyor Mahkamov hozirgi ahvoli haqida ma'lumot berdi. Kecha, 15 iyul Turkiyaning Istanbul va Anqara shaharlarida harbiylar tomonidan mamlakat hokimiyatini qo‘lga kiritishga bo‘lgan urinishlar amalga oshirilgani haqida avval ham xabar bergan edik. Turkiyada hukm surayotgan notinch vaziyat nafaqat mamlakat ichida bo‘lgan fuqarolar va sayyohlarni, balki butun dunyo mamlakatlaridagi tinch aholi vakillarini xavotirga solmoqda.   Bugun, 16 iyul kuni o‘zbekistonlik taniqli xonandalardan biri, "Nihol” mukofoti sovrindori Diyor Mahkamov Turkiyada ko‘tarilgan isyon vaqtida Istanbul shahrida bo‘lgani ma'lum bo‘ldi. Bu haqda xonandaning o‘zi Instagram’dagi shaxsiy sahifasida xabar qoldirdi. U Istanbulda tushgan suratlaridan biriga quyidagicha izoh yozdi.   "Istanbulda osoyishta hayot davom etmoqda. Men uchun qayg‘urib, xabar yozgan yoki qo‘ng‘iroq qilgan hammmaga rahmat aytaman. Shuni alohida ta'kidlardimki, O‘zbekistondan yaxshisi yo‘q! Qadrlayman...”.   Eslatib o‘tamiz, Turkiyadagi notinch vaziyat sabab qurbonlar soni 161 kishiga yetdi. Jabrlangan soni esa 1440 kishini tashkil etmoqda. So‘nggi xabarlarga qaraganda, 2839 askar isyonchi harbiylarga aloqadorlikda gumon qilinmoqda.

1 2 3 4 5 Категория: Har-Hil | Просмотров:2683 | Добавил: Admin | Теги: Xonanda Diyor Mahkamov Turkiyadagi | Рейтинг: 5.0/1

Всего комментариев: 0