Главная » 2020 » Mart » 13 » Xivada “Xorazm xonlari shaharchasi” tashkil etiladi

---

16:09 Xivada “Xorazm xonlari shaharchasi” tashkil etiladi

Prezident Shavkat Mirziyoyev 13-mart kuni Urganchda o‘tkazilgan faollar yig‘ilishida Xorazm viloyatining sayyohlik salohiyatini kengaytirish maqsadida Xivada "Xorazm xonlari shaharchasi”ni tashkil etish bo‘yicha topshiriq berdi. "Sayyohlik salohiyatini kengaytirish maqsadida Shovot kanalining ikki yonida kichik turizm zonasini, Xivada ‘Xorazm xonlari shaharchasi’ni tashkil etish bo‘yicha topshiriq berildi”, — deya xabar bermoqda Prezident matbuot xizmati. Avvalroq, 12-mart kuni Shavkat Mirziyoyev Xivadagi Ichan-qal’aga tashrif buyurib, Amir To‘ra madrasasining restavratsiyasi bilan tanishgani haqida xabar berilgan edi. Xuddi shu yerda Prezidentga Xorazmda turistik sohada amalga oshirilishi rejalashtirilgan loyihalar taqdimoti o‘tkazilgan edi. Ma’lum qilinishicha, 2020—2021-yillarda viloyatda turizmni rivojlantirish dasturi ishlab chiqilgan. Masalan, Xiva tumanida "Anor”, "Anjir”, Yangiariq tumanida "Mennonit qishlog‘i” nomli tematik parklar barpo etilishi rejalashtirilgan. Bundan tashqari, Lazgi akademiyasini tashkil etish ham ko‘zda tutilgan. Xorazmda Damas va Labo’ning lokalizatsiyasi oshiriladi, kaustik soda va xlor zavodi quriladi Ma’lumot uchun, Xiva 1598-yildan 1920-yilga qadar Xiva xonligining, 1920-yildan 1924-yilga qadar esa Xorazm Xalq Sovet Respublikasining poytaxti bo‘lgan. Shaharning poytaxtlik maqomi 1643—1663-yillarda hukmronlik qilgan Abulg‘ozixon davrida to‘la mustahkamlangan. Abulg‘ozixondan so‘ng shayboniylar, chingiziylar, qo‘ng‘irotlarga mansub 30 dan ortiq xon Xivani boshqargan.

1 2 3 4 5 Категория: Har-Hil | Просмотров:615 | Добавил: moderator | Теги: yangilik | Рейтинг: 0.0/0

Всего комментариев: 0