Главная » 2020 » Mart » 8 » Xitoyning eksporti koronavirus sabab yil boshidan beri 17,2 foizga qisqardi

---

17:48 Xitoyning eksporti koronavirus sabab yil boshidan beri 17,2 foizga qisqardi

Xitoy eksporti koronavirus infeksiyasi tarqalishi fonida 2020-yilning yanvar va fevral oylarida 17,2 foizga qisqardi, deya xabar bermoqda Xitoy Bojxona bosh boshqarmasi. Hisobot davrida eksport hajmi 292,45 milliard dollarni tashkil etgan. Bundan tashqari, mamlakatda import hajmi ham 4 foizga qisqarib, 299,5 milliard dollarni tashkil etgan, savdo balansi saldosi salbiy ko‘rinish olib, 7,09 milliard dollarga yetgan. Bundan tashqari, yanvar—fevralda Xitoyning tashqi mahsulot aylanmasi 11 foizga qisqarib, 591,9 milliard dollarni tashkil etgan. Xitoyning boshqa davlatlar bilan savdo munosabatlariga, avvalo, koronavirus infeksiyasining tarqalishi va Oy taqvimi bo‘yicha Yangi yil bayrami ta’tilining uzaytirilgani salbiy ta’sir ko‘rsatdi, deyiladi bojxona boshqarmasining boshqa axborotida. Boshqarmaning qayd etishicha, epidemiolog vaziyatning ta’siri vaqtinchalik bo‘lib, tashqi savdodagi umumiy ijobiy tendensiya o‘zgarishsiz qolgan. O‘z navbatida, Financial Times’ning eslatishicha, yanvar va fevral oylarida Xitoyning savdo ko‘rsatkichlari mavsumiy o‘ziga xosliklar sabab, xususan, Yangi yil bayrami munosabati bilan korxonalar ishlamasligi va ishlab chiqarish qisqarishi ortidan odatda har yili o‘zgaruvchan bo‘ladi. Biroq koronavirus infeksiyasining tarqalishi, mamlakatda karantin choralari ko‘rilgani, shuningdek, ichki harakatlanish cheklangani ortidan, yanvar—fevraldagi doimiy salbiy iqtisodiy ta’sirni yana-da chuqurlashtirib yubordi.

1 2 3 4 5 Категория: Har-Hil | Просмотров:505 | Добавил: moderator | Теги: yangilik | Рейтинг: 0.0/0

Всего комментариев: 0