Главная » 2023 » Avgust » 1 » Xitoydagi hayvonot bog‘i ayiqlar kiyimidagi maxsus odamlardan foydalanganlikda ayblanmoqda

---

22:28 Xitoydagi hayvonot bog‘i ayiqlar kiyimidagi maxsus odamlardan foydalanganlikda ayblanmoqda

Xitoyda hayvonot bog‘i ayiqlar kiyimidagi maxsus odamlardan foydalanganlikda ayblanmoqda. Internetda qora malay ayig‘i orqa oyoqlarida turgan video paydo bo‘lganidan keyin blogerlar shunday taxminga kelishdi. Video kecha, 31-iyul kuni ijtimoiy tarmoqlarda e’lon qilindi. Kadrlar Xitoyning Chjestyan provinsiyasidagi Xanchjou hayvonot bog‘ida suratga olingan. Izohlarda foydalanuvchilar ayiqning oyoqlari haddan tashqari ingichka ekanligiga e’tibor qaratishgan. Shundan so‘ng bu hayvonning oyog‘i emas, balki uning terisini yopinib olgan muassasa xodimi ekanligi taxmin qilindi. Muassasa ma’muriyati barcha ayblovlarni qat’iyan rad etdi. Hayvonot bog‘i vakilining so‘zlariga ko‘ra, bunday almashtirishning iloji yo‘q, chunki 40 daraja issiqda odam mo‘ynali kiyimda uzoq tura olmaydi. Bundan tashqari, ayiq orqa oyoqlarida turganda bo‘yi 1,3 metrdan oshmaydi, odamning o‘rtacha balandligi esa taxminan 170 santimetrni tashkil qiladi. Hayvonot bog‘i vakillari ommaviy axborot vositalari xodimlarini hayvonot bog‘iga shaxsan tashrif buyurishga va ayiqlarning haqiqiy ekanligiga ishonch hosil qilishga taklif qildi, deb xabar beradi AP. Malay ayig‘i tabiatda Borneo, Java, Sumatra, shuningdek, Malay yarim orolida yashaydi. Tog‘ va pasttekisliklar, tropik va subtropik o‘rmonlarda yashaydi. Bu ayiqlarning eng kichigi va eng tajovuzkori hisoblanadi.

1 2 3 4 5 Категория: Har-Hil | Просмотров:138 | Добавил: moderator | Теги: yangilik | Рейтинг: 0.0/0

Всего комментариев: 0