Главная » 2020 » Aprel » 1 » Xitoyda o‘tgan bir sutka ichida yetti kishi koronavirus oqibatida vafot etdi

---

13:09 Xitoyda o‘tgan bir sutka ichida yetti kishi koronavirus oqibatida vafot etdi

O‘tgan bir sutka ichida Xitoyda yana 36 kishida COVID-19 infeksiyasi aniqlandi, yetti kishi vafot etdi. Yangi kasallarning 35 nafari xorijdan kelgan fuqarolar. Shuningek, 186 nafar bemor sog‘ayishga muvaffaq bo‘lgan. Bu haqda Xitoy Sog‘liqni saqlash milliy komissiyasiga tayanib, "RIA Novosti” xabar berdi. Xitoyda koronavirusni chetdan yuqtirish bo‘yicha umumiy hisobda 806 ta holat qayd etilgan bo‘lib, 691 nafari hamon kasal. 20 nafar fuqaro og‘ir ahvolda, 115 kishi esa sog‘ayishga muvaffaq bo‘lgan. Chetdan yuqtirib kelganlar orasida o‘lim holati qayd etilmagan. "Sog‘liqni saqlash milliy komissiyasining ma’lumotlariga ko‘ra, mamlakatda 81 554 kishi koronavirus aniqlangan bo‘lib, ayni vaqtda 2004 kishi kasal (466 nafarining ahvoli og‘ir), 76 238 kishi davolanishga muvaffaq bo‘lgan, 3312 kishi vafot etgan”, — deyiladi xabarda. 1-apreldan boshlab mamlakat hukumati kasallik hech qanday belgilarsiz tarqalayotgani haqida ma’lumot berdi. Ta’kidlanishicha, o‘tgan bir sutka ichida 302 kishiga karantindan javob berilgan. Test ularda virus borligini ko‘rsatgan bo‘lsa-da, biroq kasallikning hech qanday belgilari aniqlanmagan. Hozirda kasallik belgilari kuzatilmagan 1367 nafar bemor nazorat ostida qolmoqda. Avval Xitoy o‘z hududida koronavirus epidemiyasi to‘xtaganini e’lon qilgani, XXRda avtomobil sanoatining yana oyoqqa turgani, ammo hech kim mashina sotib olmayotgani haqida xabar qilingan.

1 2 3 4 5 Категория: Har-Hil | Просмотров:542 | Добавил: moderator | Теги: yangilik | Рейтинг: 0.0/0

Всего комментариев: 0