Главная » 2020 » Iyul » 6 » Xitoyda koronavirusga chalinganlar soni bir sutkada 4 kishiga, Janubiy Koreyada esa 48 kishiga oshdi

---

18:20 Xitoyda koronavirusga chalinganlar soni bir sutkada 4 kishiga, Janubiy Koreyada esa 48 kishiga oshdi

Xitoyda so‘nggi sutkada koronavirus bilan kasallanish bo‘yicha 4 ta yangi holat aniqlandi. Bu haqda Xitoy Sog‘liqni saqlash milliy komissiyasining ma’lumotiga tayanib "TASS” xabar berdi. Qayd etilishicha, aniqlangan 4 ta holatning 1 tasi mamlakatning o‘zida, Pekin shahrida, qolgan  3 tasi chetdan yuqtirilgan. Jons Hopkins ma’lumotlariga ko‘ra, ayni paytda mamlakatda 84 871 kishi koronavirusga chalingan, ularning 79 720 nafari sog‘aygan, 4641 nafar bemor COVID-19 qurboniga aylangan. Janubiy Koreyada esa sutka davomida 48 kishi koronavirusga chalingani qayd etilib, kasallanganlarning umumiy soni 13 137 nafarga yetdi. Kasalliklar profilaktikasi va nazorati markazi (KCDC) ma’lumotlariga ko‘ra, yangi kasallanish holatlarining 24 tasi mamlakatning o‘zida, qolgan 24 tasi chetdan yuqtirilgan. Sutka davomida 16 kishi sog‘ayib, tuzalganlarning umumiy soni 11 848 nafarga yetgan, kasallik qurbonlari soni esa 284 nafarni tashkil etmoqda. Mamlakatda koronavirusni aniqlash bo‘yicha qariyb 1,3 millionta test o‘tkazilgan. KCDC ma’lumotlariga ko‘ra, Janubiy Koreya 1-iyuldan boshlab "Remdesivir” dori vositasini sotib olishni boshladi. "Remdesivir” Yevropa Ittifoqida ruxsat olish uchun tavsiya qilingan koronavirusga qarshi ilk dori vositasi hisoblanadi. Bu dori vositasi og‘ir ahvoldagi bemorlarni davolashda qo‘llaniladi. Qayd etilishicha, 7-iyulga qadar kasalxonalar "Remdesivir” bilan bepul ta’minlanadi, 8-iyuldan boshlab esa uning narxi muhokama qilinadi.

1 2 3 4 5 Категория: Har-Hil | Просмотров:746 | Добавил: moderator | Теги: yangilik | Рейтинг: 0.0/0

Всего комментариев: 0