Главная » 2020 » Fevral » 6 » Xitoy umumiy qiymati 75 mlrd dollarlik AQSh tovarlariga boj to‘lovini 2 baravarga arzonlashtiradi

---

18:36 Xitoy umumiy qiymati 75 mlrd dollarlik AQSh tovarlariga boj to‘lovini 2 baravarga arzonlashtiradi

Xitoy 14-fevraldan mamlakatga AQShdan olib kirilayotgan umumiy qiymati 75 milliard dollar bo‘lgan ayrim tovarlarga davlat boji miqdorini ikki baravarga kamaytiradi. Bu haqda "Kommersant” xabar berdi. Ushbu tovarlarga boj to‘lovlari miqdori 2019-yilning 1-sentabridan oshirilgan edi. "Xitoy va AQSh o‘rtasidagi savdo-iqtisodiy munosabatlarning sog‘lom va barqaror rivojlanishiga ko‘maklashish maqsadida Xitoy Davlat Kengashi huzuridagi bojxona to‘lovlari va tariflari qo‘mitasi AQShdan olib kelinadigan ayrim tovarlarga bojxona to‘lovlarini 75 milliard dollar miqdorida undirishga doir chora-tadbirlarni belgilashga qaror qildi”, — deyiladi xabarda. Shu tarzda 14-fevraldan boshlab 2019-yil 1-sentabrda 10 foiz boj to‘lanishi belgilangan tovarlarga 5 foiz boj to‘lanadi. 5 foizlik boj to‘lovi belgilangan tovarlarga esa 2,5 foiz miqdorida boj to‘lanadi. Amerikaning boshqa tovarlariga nisbatan joriy etilgan boj to‘lovlari esa saqlanib qoladi. Pekinda, shuningdek, AQShdan import qilinadigan tovarlar tariflarining pasayishi davlatlar o‘rtasida imzolangan savdo bitimining birinchi bosqichi doirasida davom etishi ta’kidlandi.

1 2 3 4 5 Категория: Har-Hil | Просмотров:535 | Добавил: moderator | Теги: yangilik | Рейтинг: 0.0/0

Всего комментариев: 0