Главная » 2016 » Sentyabr » 17 » Vladimir Putin Almazbek Atambayevni orden bilan taqdirladi

---

16:16 Vladimir Putin Almazbek Atambayevni orden bilan taqdirladi

Rossiya Federatsiyasi prezidenti Vladimir Putin Qirg‘iziston Respublikasi prezidenti Almazbek Atambayevga "Rossiya va Qirg‘iziston o‘rtasida o‘zaro ishonch, strategik o‘rtoqlik ruhida ko‘ptomonlama hamkorlikni mustahkamlashda qo‘shgan hissasi” uchun "Aleksandr Nevskiy” ordenini topshirdi. Mazkur orden Bishkekda ikki davlat rahbarlari o‘rtasida o‘tkazilgan uchrashuv chog‘ida Almazbek Atambayevning 60 yoshga to‘lishi munosabati bilan taqdim etildi.   Vladimir Putin ordenni topshirish chog‘ida, Aleksandr Nevskiyning Rossiya tarixida muhim o‘rin egallashini ta'kidlab o‘tdi. Shuningdek, Rossiya Federatsiyasi prezidenti Vladimir Putin Almazbek Atambayevni yubiley sana bilan muborakbod etar ekan, MDH yubiley sammitini yuqori darajada tashkil etilgani uchun o‘z minnatdorchiligini bildirib o‘tdi. O‘z navbatida, Qirg‘iziston prezidenti Almazbek Atambayev ham Vladimir Putinning tashrifidan boshi ko‘kka yetganini e'tirof etib, uni ko‘rishdan doim mamnun bo‘lishini qo‘shimcha qildi.   "TASS” agentligining xabariga ko‘ra, shu kuni Qozog‘iston prezidenti Nursulton Nazarboyev, XXR raisi Si Szinpin, Ozarbayjon prezidenti Ilhom Aliyev, AQSH prezidenti Barak Obama, Tojikiston prezidenti Imomali Rahmon Qirg‘iziston Respublikasi prezidenti Almazbek Atambayevni yubiley sana bilan muborakbod etishgan.   Mahalliy OAV Almazbek Atambayev o‘z yubileyi uchun navbatdagi oltinchi ijod namunasini tayyorlaganini ma'lum qildi. Bu safar Atambayev qo‘shiqni qirg‘iz tilida kuylagan. Avvalgi qo‘shiqlar prezident tomonidan rus tilida ijro etilgan edi.

1 2 3 4 5 Категория: Har-Hil | Просмотров:1451 | Добавил: Admin | Теги: Vladimir Putin Almazbek Atambayevni | Рейтинг: 0.0/0

Всего комментариев: 0