Главная » 2020 » Fevral » 13 » Uzbekistan Airways xodimlarining formasi 15 yil ichida birinchi marta o‘zgardi

---

13:59 Uzbekistan Airways xodimlarining formasi 15 yil ichida birinchi marta o‘zgardi

Uzbekistan Airways 2020-yil 14-fevraldan boshlab yo‘lovchilar diqqatiga uchuvchi va bort kuzatuvchilarning  yangi formasini taqdim etadi. Bu haqda kompaniya matbuot xizmati xabar berdi. Samolyot ekipaji qiyofasida keskin o‘zgarishlar 15 yil ichida birinchi marta sodir bo‘ldi. Kiyimlardagi asosiy rang quyuq akvamarin va terrakota ranglaridir. Qizlar uchun yubka, shim, bluzkadan iborat bo‘lgan, ikki xil rangli yangi to‘plam taqdim etilgan. Pidjakning astari terrakota rangida bo‘lib, logotip tasviri tushirilgan. Aksessuarlar sifatida bosh kiyim, matoli va charm qo‘lqoplar, soch turmagi yaratish uchun matoli elastik tasma va ikki xil rangdagi sharflar kiritilgan. Bluzka va bo‘yinbog‘dagi bezaklar sharqona uslubda yaratilgan. Qishki yomg‘irpo‘sh paltosi yechib olinadigan izolyatsiyalangan astarga ega. Erkak bort kuzatuvchi xodimlari uchun to‘plam quyuq kulrangdagi uch qismli kostyum ko‘rinishida bo‘lib, quyuq akvamarin bezaklari bilan taqdim etiladi. Bosh kiyim to‘q kulrangda kumush bezak bilan bezatilgan. Uchuvchilar uchun kostyumlar oldingi rangida qoldirilgan. Brendli tugmalar va eksklyuziv galstuklar yaratildi. Qayd etilishicha, mato turli iqlim sharoitlarini hisobga olgan holda tanlangan. Loyihada mahalliy va xorijiy ekspertlar ishtirok etgan. Matolarni tanlash va asosiy to‘plamning birinchi partiyasini tikish Turkiyaning Dress Best Uniforms kompaniyasi tomonidan amalga oshirilgan bo‘lib, ular Turkish Airlines (partial), Fly Dubai, Albaniya Airlines, Flyas aviakompaniyalari bilan ish olib borgan.

1 2 3 4 5 Категория: Har-Hil | Просмотров:507 | Добавил: moderator | Теги: yangilik | Рейтинг: 0.0/0

Всего комментариев: 0