Главная » 2020 » Aprel » 23 » Uyda qolgan aholiga koronavirus qay tarzda xavf soladi?

---

16:41 Uyda qolgan aholiga koronavirus qay tarzda xavf soladi?

Uyda qolgan aholi turli ehtiyoj bilan ko‘chaga chiqqanda va ma’lum joylarga tashrif buyurganda koronavirus yuqtirib olmaslik uchun alohida e’tiborli bo‘lishi kerak. Bu haqda bugun, 23 aprel kuni AOKA shtabida Bosh davlat sanitariya inspektori Nurmat Otabekov ma’lum qildi. Ta’kidlanishicha, bir qancha joylarda koronavirus xavfi mavjud. Odamlar u yerda ishlovchilar va buyumlar bilan alohida ehtiyotkor bo‘lishi kerakligi aytib o‘tildi. Aholi uchun nisbatan xavfli joy dorixonalar. Asosiy xavf shundaki, dorixonaga har xil toifadagi, sog‘ligida muammo bor odamlar tashrif buyuradi. Nurmat Otabekovning ta’kidlashicha, ikkinchi o‘rinda — do‘konlar. Do‘konlarga borganda o‘zingizni xavfdan himoyalash uchun albatta niqob taqish, aravalar tutqichiga antiseptik vositalar bilan ishlov berish, o‘ralgan mahsulotlarni olish, imkon qadar qadoqlangan paketlarga kamroq qo‘l tekkizish zarur. Aholi uchun xavfli joy deb avtomobillarga yoqilg‘i quyish shoxobchalari ham ta’kidlab o‘tildi. U yerdagi xavf shundaki, yoqilg‘i quyadigan pistoletni kuniga 10 dan ortiq odam ushlaydi. Ularni ushlagandan so‘ng albatta qo‘lni antiseptik vositalar bilan tozalash tavsiya qilinadi. Yana bir xavfli joylar sarasiga itlarni sayr qildirish maskanlari ham kiritildi. Itlarni olib chiqishda odam tez-tez pod’ezd va eshik tutqichlarini ushlaydi. Bundan tashqari, itlar virusni oyoqlarida uyga tashishi mumkin. Shuningdek, ko‘chaga chiqindi tashlashga chiqishda ham gigiyenik talablarga rioya qilish kerak. Bunda xavf nisbatan pastroq bo‘lsa-da, ayrim vaqt changda virus zarrachalari saqlanib qolgan bo‘lishi mumkinligi aytilgan.

1 2 3 4 5 Категория: Har-Hil | Просмотров:688 | Добавил: moderator | Теги: yangilik | Рейтинг: 0.0/0

Всего комментариев: 0