Главная » 2020 » Aprel » 2 » Uxanlik fuqaro shaharda hozirgi ahvol qandayligi haqida gapirib berdi

---

16:09 Uxanlik fuqaro shaharda hozirgi ahvol qandayligi haqida gapirib berdi

Xitoyning COVID-19 koronavirus infeksiyasi tarqalishi boshlangan Uxan shahrida yashovchi Tagir Izmailov shahardagi ayni paytdagi vaziyat haqida gapirib berdi, deb xabar bermoqda RT. Uning aytishicha, 8-aprelga qadar hamma ham metro xizmatidan foydalanish huquqiga ega emas. "Mobil telefoningizda karantin paytini hech qanday kasalliklarsiz o‘tkazganingizni, ya’ni virusdan xoli ekaningizni ko‘rsatuvchi profaylni ko‘rsatishingiz kerak”, — deydi u. Uning ta’kidlashicha, shaharda hech kim niqobsiz yurmaydi, megapolisda hali ham ruxsatnoma asosida kirish-chiqish tizimi amal qilmoqda. "Ya’ni shahar hali to‘liq ochilgani yo‘q, lekin bunga oz qoldi — 1 hafta… Aytish mumkinki, Xitoy mentalitetining o‘ziga xosligi hukumatga qo‘l keldi. Aynan bugun ko‘chaga chiqqanimda haqiqatan ham ancha odam uyda o‘tirganini angladim. 14 million aholiga ega shaharda 2 haftacha oldin atigi bir juft mashina, bir juft odam bor edi xolos”, — deydi Izmailov. Eslatib o‘tamiz, Xitoy hukumati shaharga kirish-chiqishni koronavirus infeksiyasi tarqalishining oldini olish maqsadida 22-yanvar kuni yopib qo‘ygandi. Xubey provinsiyasi sog‘liqni saqlash qo‘mitasi 25-mart kuni yarim tundan boshlab provinsiyaga kirish-chiqishda cheklovlar olib tashlanganini ma’lum qilgan. Faqat Uxan shahrigina hozircha bundan mustasno. Karantin rejimini 8-aprelda olib tashlash rejalashtirilmoqda. Xitoy Sog‘liqni saqlash milliy komissiyasi 29-mart kuni mamlakatda koronavirus infeksiyasining tarqalishi, umuman olganda, to‘xtatilganini e’lon qilgan. Mamlakatda koronavirus bilan kasallanganlarning 90 foizdan ortig‘i sog‘ayib ketdi. Ayni payda dunyo bo‘yicha koronavirusga chalinganlar soni 937 ming kishidan oshdi, 47 mingdan ortiq kishi kasallikdan vafot etdi.

1 2 3 4 5 Категория: Har-Hil | Просмотров:502 | Добавил: moderator | Теги: yangilik | Рейтинг: 0.0/0

Всего комментариев: 0