Главная » 2020 » May » 26 » Uxanda COVID-19’ning 189 ta belgisiz tashuvchilari aniqlandi

---

10:31 Uxanda COVID-19’ning 189 ta belgisiz tashuvchilari aniqlandi

Oxirgi 10 kun davomida Xitoyning Xubey provinsiyasidagi Uxan shahri aholisini ommaviy skrining qilish natijasida COVID-19 koronavirus infeksiyasining 189 ta simptomsiz tashuvchilari aniqlandi. Bu haqda shahar Sog‘liqni saqlash qo‘mitasi ma’lumotiga tayanib, "RIA Novosti” xabar qilgan. Uxan shahrining tezkor shtabi aholi 10 kun davomida ommaviy skrining qilingani va buning natijasida yangi kasallanish holatlari aniqlanganini ma’lum qilgan. Ommaviy tarzda test qilish 14-may kuni boshlangandi. Internetda tarqalgan kasallanish grafigiga ko‘ra 14-maydan 23-maygacha 10 million aholi yashaydigan shaharda jami 6 574 093 ta COVID-19 testi amalga oshirilgan. Ushbu davr oralig‘ida tibbiyot xodimlari 189 ta simptomsiz virus tashuvchilarni aniqlagan. Sinxua agentligining ma’lum qilishicha, ommaviy skrining boshlanishidan avval shaharda 3 millionta test olingan. Ommaviy test qilish bepul va ixtiyoriy hisoblanadi. Dastlab keksa yoshli kishilar istiqomat qiladigan, avval kasallik o‘choqlari bo‘lgan hududlar test qilingan, shuningdek, avval tekshirilmagan aholi vakillaridan ham tahlillar olingan. Ommaviy test qilish 10 kun davom etishi lozimligiga qaramay, shahar ma’muriyati turli sabablarga ko‘ra tahlillarini bera olmagan fuqarolarning 26-mayga qadar ularni topshirishiga ruxsat bergan. Uxanda 9-mayda 4-apreldan beri davom etgan sokinlikdan so‘ng ilk bora yana koronavirus infeksiyasini yuqtirib olganlik bo‘yicha yangi holat qayd etilgan, shuningdek, 16 kishi kasallikni belgilarsiz yuqtirishi mumkinligi aniqlangan, barcha holatlar mahalliy ekani ma’lum bo‘lgandi, bir sutkadan keyin kasallikning klinik belgilari 5 kishida namoyon bo‘ldi, ular kasallanish holati sifatida ro‘yxatga olindi. Shundan keyin shahardagi Dunsixu hududining karantin darajasi quyidan o‘rtaga o‘tkazilgan. Uxan 18-aprelda xavf darajasi past bo‘lgan hudud deb topilgandi, 26-aprelda shahardagi kasalxonadan koronavirus infeksiyasiga chalingan oxirgi bemor davolanib chiqqandi. Xitoy hukumati 8-apreldan transport cheklovini bekor qilgan va odamlarning Uxandan boshqa hududlarga borishiga ruxsat bergandi. Shahar 76 kun davomida tashqi dunyodan bevosita uzilib qolgan. Epidemiya davri davomida Uxanda 50 340 ta kasallanish holati kuzatilgan, 3869 kishi infeksiya asoratlari oqibatida vafot etgan.

1 2 3 4 5 Категория: Har-Hil | Просмотров:522 | Добавил: moderator | Теги: yangilik | Рейтинг: 0.0/0

Всего комментариев: 0