Главная » 2020 » Fevral » 24 » Urush yillari O‘zbekistonga rahbarlik qilgan Usmon Yusupovning uy-muzeyi rekonstruksiya qilinmoqda

---

17:35 Urush yillari O‘zbekistonga rahbarlik qilgan Usmon Yusupovning uy-muzeyi rekonstruksiya qilinmoqda

Yangiyo‘l shahrining markazida 2020-yil 1-mart kuni 120 yilligi keng nishonlanishi ko‘zda tutilgan Usmon Yusupovning tarixiy uy-muzeyi rekonstruksiya qilinmoqda, deya xabar bermoqda Toshkent viloyati hokimligi axborot xizmati. Uy-muzeyning umumiy maydoni — 9380 kvadrat metr bo‘lib, ikkita bino — memorial uy va ekspozitsiya ko‘rgazma zalidan iborat. Usmon Yusupov ushbu uy-muzeyiga 1945-yili oilasi bilan ko‘chib kelgan va hayotining aksariyat qismini shu yerda o‘tkazgan. Usmon Yusupov 1966-yil 7-mayda, uning turmush o‘rtog‘i Yuliya Stepanenko esa 1972-yil 28-aprelda vafot etgan. Shundan so‘ng, 1974-yil 24-iyunda O‘zbekiston Fanlar akademiyasining O‘zbekiston xalqlari tarixi muzeyi filialida Usmon Yusupov uy-muzeyi tashkil etiladi. Ma’lumot uchun, Usmon Yusupovich Yusupov — 1937—1950-yillarda O‘zbekiston Kompartiyasi Markaziy qo‘mitasi birinchi kotibi — amalda respublika rahbari sifatida faoliyat yuritgan. Ta’kidlanishicha, uzunligi 345 kilometr bo‘lgan Farg‘ona kanali 1939-yili aynan Usmon Yusupov tashabbusi bilan qurilgan.

1 2 3 4 5 Категория: Har-Hil | Просмотров:564 | Добавил: moderator | Теги: yangilik | Рейтинг: 0.0/0

Всего комментариев: 0