Главная » 2018 » May » 1 » Urush davrining retro avtokarvoni Samarqandga yetib keldi

---

14:10 Urush davrining retro avtokarvoni Samarqandga yetib keldi

Avvalroq, 5 ta "Pobeda” rusumli avtomobil Rossiyaning Xanti-Mansiysk avtonom okrugidan Qozog‘iston orqali Samarqandga yo‘lga chiqqanini xabar qilgan edik.   Bugun, 1 may kuni Ikkinchi jahon urushida qozonilgan g‘alabaning 73 yilligi munosabati bilan Rossiyadan yo‘lga chiqqan "G‘alaba – barcha uchun bitta” ("Pobeda – odna na vsex”) avtokarvoni ishtirokchilari Samarqand shahrida mehmon bo‘ldi. Bu haqda Samarqand viloyati hokimligi matbuot xizmati xabar qildi.   Ta'kidlanishicha, avtokarvon qatnashchilari dastlab Samarqand shahridagi Hazrati Xizr majmuasida bo‘lib, O‘zbekiston Respublikasining Birinchi Prezidenti Islom Karimov maqbarasini ziyorat qilgan.   Shundan so‘ng shahardagi Xotira maydonida Motamsaro ona haykali poyiga gul qo‘yilib, Ikkinchi jahon urushida xalok bo‘lgan insonlar yod etildi.   Rossiyalik mehmonlar ushbu maskanda samarqandlik urush faxriylari, yoshlar va jamoatchilik vakillari bilan uchrashdi.   U yerda samarqandlik Ikkinchi jahon urushi qatnashchilari Ye.Soldatov hamda M.Kolmogorov frontda boshdan kechirgan voqyea-hodisalar, urushdan keyingi yillardagi faoliyatlari haqida so‘zlab berdi.   "Avtokarvon Ikkinchi jahon urushida halok bo‘lgan insonlarni yod etish, bugun hayot bo‘lgan faxriylar jasoratini eslash, ularni ulug‘lash maqsadida tashkil etildi”, deydi avtokarvon texnik rahbari Igor Ilik.   Eslatib o‘tamiz, avvalroq, Toshkent shahridagi "Anhor Lokomativ” parkida urush davriga oid retro avtomobillari ko‘rgazmasi o‘tkazilishini ma'lum qilgan edik.

1 2 3 4 5 Категория: Har-Hil | Просмотров:1240 | Добавил: Moderator | Рейтинг: 0.0/0

Всего комментариев: 0