Universal Mobile Systems operatori "MTS-O‘zbekiston” kompaniyasi sobiq abonentlarining avvalgi raqamlarini qayta tiklab bo‘lmasligini ma’lum qildi, deb yozadi "Mobinfo” operatorning Facebook’dagi sahifasiga tayanib. Foydalanuvchilardan birining savoliga javob berar ekan, operator vakillari: "Afsuski, UMS yangi yuridik shaxs bo‘lganligi tufayli avvalgi raqamlarni qaytab tiklab bo‘lmaydi. O‘zbekiston Respublikasi qonunchiligiga muvofiq, u Uzdunrobita majburiyatlari uchun javob bera olmaydi. UMS yangi raqamlar bilan butunlay yangi shartlar asosida o‘z ishini boshlamoqda”, — deya qayd etdi. Bundan tashqari, UMS vakillari operatorga ulangan raqamni boshqa mijoz nomiga qayta rasmiylashtirish mumkin emasligini ma’lum qildi. Bunday qarorning sabablari oshkor etilmayapti.