![](http://nozim-studio.com/avatar/45/omida.jpg)
"Allaqachon turmush qurgan yoki to‘y kuni aniq ekan, degan gaplarni eshitsam, to‘yimga o‘zimni ham aytarsilar, deb qo‘yaman”, deydi Umidaxon.
"Nihol” mukofoti sovrindori Umidaxonning ijodida yangiliklar bisyor. Bugun xonanda "Qalampir.uz” tahririyatiga tashrif buyurib yangi qo‘shiq va klip ustida ish boshlaganini ma'lum qildi.
Xonandaning "Safsata” nomli yangi qo‘shig‘i she'ri va musiqasi uning eski hamkori Eldor Qayumovga tegishli. Musiqiy sayqalni esa Jasur Badalboyev bergan.
"Biroz tanaffus qildim. Qo‘shimlarimni taqdim etish fursatini kutdim. Chunki ko‘p qo‘shiqlarda bir xillik ko‘zga tashlanyapti. Ijodda yangilik qilish har qachongidan ham qiyin bo‘lib ketyapti. "Safsata” nomli yangi qo‘shig‘im ijodimda burilishga sabab bo‘lmasada, o‘z yo‘nalishda muxlislarimga manzur bo‘ladi, degan umiddaman”, deydi Umidaxon.Ayni damda O‘zbekiston davlat konservatoriyasining 3-bosqichida tahsil olayotgan Umidaxon bilan suhbatni diktafonga yozishning imkoni bo‘lmadi. Bunda unumli fodalangan xonanda ijodi va shaxsiy hayotiga oid savollarga tortinmay javob berdi. Xonanda so‘nggi vaqtlarda o‘zi haqida tarqalgan gap-so‘zlarga e'tibor qaratar ekan, turmushga chiqishi bilan bog‘liq savollarni ham chetlab o‘tmadi.
"Nasib qilsa, vaqt-soati yetganda, albatta, turmush quraman. Har holda hayotimdagi bunday quvonchli voqyeani muxlislarimdan yashirishni niyat qilmaganman. Ammo hali yana biroz vaqt borday, nazarimda. Loaqal o‘qishni bitirib olay, uy yumushlari, ro‘zg‘or ishlariga vaqt ajrata olishga imkon topay, so‘ng turmushga chiqaman. Allaqachon turmush qurgan yoki to‘y kuni aniq ekan, degan gaplarni eshitsam, to‘yimga o‘zimni ham aytarsilar, deb qo‘yaman(kulib)”.Darvoqye, xonandaning yangi "Safsata” nomli qo‘shig‘iga klipni Dilmurod Agzamov va Rustam Murodov suratga olishga. Unda rollarni xonandaning do‘stlari aktyor Sherzod Saydialiyev va aktrisa Ziyoda Xudoyqulova ijro etishgan.