Главная » 2020 » Iyun » 21 » “Ularning ko‘chada uxlayotganini ko‘rib yig‘ladim”. “Monako” futbolchisi senegallik 80 nafar muhojirni Ispaniyada turar joy bilan ta’minladi

---

17:02 “Ularning ko‘chada uxlayotganini ko‘rib yig‘ladim”. “Monako” futbolchisi senegallik 80 nafar muhojirni Ispaniyada turar joy bilan ta’minladi

"Monako” yarim himoyachisi Keyta Balde koronavirus pandemiyasi tufayli yuzaga kelgan karantin vaqtida senegallik ishchilarga Kataloniyada yashash uchun pul to‘lagani haqida gapirib berdi. "Avvalambor, bu voqeaning men haqimda emasligini aytib o‘tishim kerak. Aksincha, u to‘g‘ri ish qilish haqidadir. Hammasi kutilmaganda sodir bo‘ldi. Ijtimoiy tarmoqlarda Senegaldan kelgan ishchilarning men tug‘ilib o‘sgan Kataloniyada yo‘l yuzida uxlayotgani aks etgan videoni ko‘rib qoldim. Odatda men kamroq yig‘lashga harakat qilaman. Lekin bu safar ko‘z yoshlarimni ushlab tura olmadim. Keyin esa shaxsan bu masalaga aralashishga, ularga yordam berishga va muammoni hal etishga qaror qildim. Men to‘g‘ri ish qilishga majbur edim. Oilam menga yaxshi tarbiya bergan va to‘g‘ri qadriyatlarni singdirgan. Bu yerda ro‘y bergan holat achinarli. Ammo buni istalgan joyda: Ispaniya, Buyuk Britaniya, Italiya va Fransiyada ham uchratish mumkin. Men shunchaki har bir inson yaxshi ish qila olishi mumkinligi haqida namuna ko‘rsatdim. Bunda yordamning katta yoki kichikligi ahamiyatsiz. Biz hech bo‘lmaganda odamlarning hayotini yaxshilaydigan biron bir ish qilishimiz mumkin. Faqatgina ijtimoiy tarmoqlardagi so‘zlar yetarli emas. Harakat qilish va muammolarni hal qilish lozim. Avvaliga bu osondek tuyuldi, lekin nimalardir qilishga to‘g‘ri keldi. Muammolar — hayotning bir qismidir. Yaxshisi, ularni hal qilishga e’tibor qaratish lozim. Ispaniyadagi odamlar bilan ham shunday bo‘ldi. Muhimi, ishchilar xursand”, — deydi Balde. 25 yoshli Keyta Balde koronavirus pandemiyasi tufayli muddatdan oldin yakunlangan Fransiya chempionatida 21 o‘yinda maydonga tushib, o‘z hisobiga 4 ta gol va 3 ta assist yozdirib qo‘ygan.

1 2 3 4 5 Категория: Har-Hil | Просмотров:473 | Добавил: moderator | Теги: yangilik | Рейтинг: 0.0/0

Всего комментариев: 0