Главная » 2023 » Yanvar » 27 » Ukrainani tanklar bilan ta’minlash qaroridan so‘ng Germaniya davlat idoralariga rossiyalik xakerlar hujum qildi

---

11:52 Ukrainani tanklar bilan ta’minlash qaroridan so‘ng Germaniya davlat idoralariga rossiyalik xakerlar hujum qildi

Berlinning Ukrainani Leopard bilan ta’minlash qaroridan so‘ng rossiyalik xakerlar Germaniya davlat muassasalariga hujum qilmoqda. Bu haqda Germaniyaning Axborot xavfsizligi federal idorasiga tayanib, Spiegel xabar berdi. Nashrning yozishicha, so‘nggi bir necha soat ichida Rossiyaning Killnet guruhi xakerlari Germaniyadagi bir qancha tibbiyot va davlat muassasalari veb-saytlariga hujum qilib, ularning ishini qisman to‘xtatib qo‘ygan. Xakerlar Bundestag veb-saytini ishdan chiqarganini ham da’vo qildi, ammo sayt hali ishlab turibdi. Nemis kiberjinoyatchilikka qarshi kurash agentligining ta’kidlashicha, buzg‘unchilik muassasalar faoliyatiga jiddiy ta’sir ko‘rsatmagan. Avvalroq Germaniya kansleri Olaf Shols Germaniya va ittifoqdosh davlatlar Ukrainaga jami 112 ta Leopard 2 tankini bermoqchi ekanini ma’lum qilgandi. Bundan tashqari, yangi yordam paketi tarkibidan Ukraina harbiy xizmatchilarini yangi qurollar bilan ishlashga Germaniyada o‘qitish, logistika, o‘q-dorilar va texnik xizmat ko‘rsatish kabilar joy oladi.

1 2 3 4 5 Категория: Har-Hil | Просмотров:70 | Добавил: moderator | Теги: yangilik | Рейтинг: 0.0/0

Всего комментариев: 0