Главная » 2023 » Yanvar » 25 » Ukraina Qurolli kuchlari bosh qo‘mondoni o‘ziga qoldirilgan 1 mln dollarni armiyaga xayriya qildi

---

20:20 Ukraina Qurolli kuchlari bosh qo‘mondoni o‘ziga qoldirilgan 1 mln dollarni armiyaga xayriya qildi

Ukraina Qurolli kuchlari Oliy bosh qo‘mondoni Valeriy Zalujniy asli ukrain bo‘lgan amerikalik Grigoriy Stepanetsdan 1 million dollar meros oldi, so‘ng bu pullarni Ukraina armiyasi ehtiyojlariga sarflash uchun xayriya qildi. Bu haqda Ukraina Mudofaa vazirligi matbuot xizmati va Stepanetsning oilasiga tayanib, The New York Times (NYT) xabar bermoqda. Gazetaning yozishicha, xayriya yanvar oyida amalga oshirilgan. NYT Zalujniy marhumni qayerdan tanishi yoki u bilan qanday qarindoshligi haqida aniq ma’lumot bermagan. DignityMemorial portali ma’lumotlariga ko‘ra, Gregori Stepanets ismli amerikalik 24-oktabr kuni Vashington shtatida 85 yoshida vafot etgan. Jami hisobda, o‘tgan yil davomida jismoniy shaxslar va korxonalar Ukraina Qurolli kuchlariga qariyb 500 million dollar xayriya qildi, bu Ukrainaga insonparvarlik yordami uchun ajratilgan xayriya miqdoridan sezilarli darajada ya’ni 20 million dollarga ko‘p. "Suspilne” so‘roviga ko‘ra, barcha ukrainaliklarning to‘rtdan bir qismi (24 foiz) mojaro paytida o‘z armiyasi ehtiyojlari uchun mablag‘ ajratgan. Xususan, restoranlarda tashrif buyuruvchilarga hisobni to‘lash paytida harbiylar uchun oz miqdorda xayriya qilish taklif qilinadi. NYT shuningdek, nohukumat tashkilotlar, xususan, Come Back Alive ham mablag‘ yig‘ayotganini ta’kidlaydi. Bu tashkilot 132 million dollar to‘plashga muvaffaq bo‘lgan.

1 2 3 4 5 Категория: Har-Hil | Просмотров:57 | Добавил: moderator | Теги: yangilik | Рейтинг: 0.0/0

Всего комментариев: 0