Tushda farishta ko'rish insonning ahvoliga qarab turlicha tabir qilinadi. Farishta ko'rish quvonchni, sharafni, qiyinchiliklardan qutulish va mo'l rizqni ifoda etadi. Tushida farishta ko'rgan kishining qo'liga mol-mulk o'tadi, farzandlari ko'p bo'ladi. Tushda farishta ko'rilgan mamlakatda mo'l-ko'lchilik va arzonchilik bo'ladi. Tushda Jabroil (a.s.)ni ko'rgan kishi istaganini qo'lga kiritib maqsadiga erishadi. Tahsil olayotgan bo'lsa, o'qishni muvaffaqiyatli bitiradi. Tushda Mikoil (a.s.)ni ko'rgan kishining qo'liga ko'p boylik tushadi, badavlat umri uzoq bo'ladi. Tushida Isrofil (a.s.)ning og'zida sur borligini ko'rgan kishi yashaydigan joyga taqvodor inson hokim qilib tayinlanadi. Tushida Azroil (s.a.)ning kulib qarab turganini ko'rgan kishi imonli bo'lib dunyodan o'tadi. Jahl bilan qarab turganini ko'rgan kishi qo'rqinchli tarzda tavbasiz vafot etadi. Azroil (a.s.) jonini olayotganini ko'rgan kishining umri uzoq bo'ladi. Azroil (a.s.)ga salom berganini ko'rgan kishi dunyo va ohiratning barcha tashvishlardan qutuladi. Biror kishi tushida farishtalarning osmondan yerga, yerdan osmonga chiqib tushganini ko'rsa, shu mamlakatning kofir g'animlari mag'lubiyatga uchraydi. Tushida farishta ko'rish zohidlar uchun ixlos, g'oziylar uchun shahidlik, tutqunlar uchun ozodlik deb tabir qilinadi. Tushida farishta ko'rgan mahbus ozodlikka chiqadi. Yaxshi kishi tushida farishta ko'rsa, niyatiga yetadi. Imonsiz kishi tushida farishta ko'rsa, musulmon bo'ladi.
|