Главная » 2023 » Avgust » 27 » Turkiyada ichida sayyohlar bo‘lgan avtobus ag‘darilib ketdi

---

23:48 Turkiyada ichida sayyohlar bo‘lgan avtobus ag‘darilib ketdi

Turkiya janubidagi Karaman viloyatida sayyohlik avtobusi yo‘l-transport hodisasiga uchradi. Bu haqda Sputnik xabar berdi. Ma’lum qilinishicha, hodisa oqibatida 26 kishi jarohat olgan. Uch nafar jabrlanuvchi Ermenek davlat kasalxonasiga yotqizilgan. Ularning ahvoli og‘ir. "Karamanda tur avtobusining ag‘darilishi oqibatida 26 kishi jabrlandi”, — deyiladi xabarda. Avtobus ekskursiya payti tog‘ yonbag‘riga kira olmagan va sirpanib ketgan. Haydovchi boshqaruvni yo‘qotgan, transport yo‘l chetidagi uylardan birining bog‘iga ag‘darilib ketgan. Jabrlanganlar orasida, dastlabki maʼlumotlarga ko‘ra, bir nafar Ozarbayjon fuqarosi bor, qolganlari mahalliy aholi ekani aytilmoqda. 21-avgustga o‘tar kechasi Turkiyaning Yozgat viloyatida yo‘lovchi avtobusi jarlikka uchib ketgan. Hodisa oqibatida 12 kishi halok bo‘lgan, 19 kishi tan jarohati olgan. Avtohalokatga avtobus haydovchisining ehtiyotsizligi sabab bo‘lgan. 10-avgust kuni Istanbulning Eyupsulton tumanida aeroport qurilishida ishtirok etgan ishchilarni olib ketayotgan avtobus ag‘darilib ketgandi. 30-iyul kuni Kars viloyatida yuz bergan halokatda haydovchi boshqaruvni yo‘qotib qo‘ygan va avtobus 50 metrlik qoyadan qulagandi. Oqibatda yetti kishi halok bo‘lgan, yana 22 kishi jarohatlangan.

1 2 3 4 5 Категория: Har-Hil | Просмотров:160 | Добавил: Admin | Теги: yangilik | Рейтинг: 0.0/0

Всего комментариев: 0