Главная » 2023 » Iyul » 18 » Turkiya va Saudiya Arabistoni ukrainalik bolalarni qaytarish bo‘yicha yashirin muzokara olib bormoqda — FT

---

22:33 Turkiya va Saudiya Arabistoni ukrainalik bolalarni qaytarish bo‘yicha yashirin muzokara olib bormoqda — FT

Saudiya Arabistoni va Turkiya vositachi sifatida Rossiyaga deportatsiya qilingan ukrainalik bolalarni qaytarish bo‘yicha yashirin muzokaralar olib bormoqda. Bu haqda muzokaralardan xabardor to‘rtta manbaga tayanib, Financial Times xabar berdi. Nashrning yozishicha, muzokaralar bir necha oydan beri davom etmoqda. Uchrashuvda urush boshida Rossiya-Ukraina tinchlik muzokaralarida, mahbuslar almashinuvi va don bitimini muhokama qilishda vositachi bo‘lgan tadbirkor Roman Abramovich ham ishtirok etmoqda. "Konfliktning har ikki tomoni uchun bolalarni deportatsiya qilish muammosi shunchalik jiddiyki, mahbuslarni almashish bo‘yicha muzokaralardan farqli o‘laroq ular buni bir-birlari bilan to‘g‘ridan to‘g‘ri gaplashishdan bosh tortadi”, — deyiladi xabarda. Saudiya Arabistoni Kopengagenda bo‘lib o‘tgan G20 a’zolarining yig‘ilishida ukrainalik bolalarni qaytarish bo‘yicha muzokaralar o‘tkazish zarurligi masalasini ko‘targan. Shu bilan birga, G‘arb davlatlari Saudiya Arabistonining vositachilardan biri sifatidagi rolini ma’qullagan. Rossiya Ukrainadan qancha bolani deportatsiya qilgan? Ukraina ma’lumotlariga ko‘ra, urush paytida 20 ming bola bosib olingan hududlardan noqonuniy ravishda deportatsiya qilingan. 2023-yil mart oyida Gaagadagi Xalqaro jinoiy sudi Rossiya prezidenti Vladimir Putin va Rossiya bolalar ombudsmani Mariya Lvova-Belovani bolalarni Ukrainadan majburan olib chiqishda ayblab, hibsga olishga order bergandi. Rossiya hukumati bolalarni Ukraina hududidan olib chiqishni inkor etmaydi. Ayni paytda rasmiy Moskva bu ularning xavfsizligi uchun qilinganini da’vo qilmoqda.

1 2 3 4 5 Категория: Har-Hil | Просмотров:88 | Добавил: moderator | Теги: yangilik | Рейтинг: 0.0/0

Всего комментариев: 0