Главная » 2020 » Fevral » 28 » Turkiya Suriyadagi harbiylar halok bo‘lganidan so‘ng, YouTube va ijtimoiy tarmoqlarni bloklab qo‘ydi

---

12:27 Turkiya Suriyadagi harbiylar halok bo‘lganidan so‘ng, YouTube va ijtimoiy tarmoqlarni bloklab qo‘ydi

Turkiya hukumati Suriyaning Idlib viloyatida turk harbiylari halok bo‘lganidan so‘ng, mamlakat aholisi uchun ayrim ijtimoiy tarmoqlar va YouTube videoxostingiga kirishga taqiq qo‘ydi. Bu haqda mahalliy OAVga tayanib, "RBK” xabar berdi. Haberturk nashrining ma’lumotlariga ko‘ra, dastlab Turk Telekom provayderi, keyinroq boshqa provayderlar ham foydalanuvchilarning Twitter, Instagram, Facebook, shuningdek, WhatsApp messenjeriga blokirovka qo‘ygan. Dirilis Postasi nashrining yozishicha, Turkiya aholisi YouTube’ga ham kira olmayapti. NetBlocks xalqaro notijorat monitoring tashkilotining ta’kidlashicha, turk operatorlari Idlib viloyatida turk qo‘shinlarining pozitsiyasi o‘qqa tutilgach, ijtimoiy tarmoqlarni bloklab qo‘ygan. Blokirovkaning asosiy sababi — halok bo‘lgan va yaralangan turk harbiylari soni to‘g‘risida noto‘g‘ri ma’lumotlar tarqalishining oldini olish. Avvalroq Turkiya harbiy karvoni Suriyaning Idlib viloyati Al-Bara qishlog‘ida Suriya qo‘shinlarining hujumiga uchragan edi. Hujum oqibatida turk kolonnasining 65 ta avtomobili shimolga chekinishga majbur bo‘lgan. So‘nggi ma’lumotlarga ko‘ra, 33 nafar turk harbiysi halok bo‘lgan.

1 2 3 4 5 Категория: Har-Hil | Просмотров:508 | Добавил: moderator | Теги: yangilik | Рейтинг: 0.0/0

Всего комментариев: 0