Главная » 2016 » May » 15 » Turkiya prezidenti Rajab Erdo'g'an qizini turmushga berdi

---

14:42 Turkiya prezidenti Rajab Erdo'g'an qizini turmushga berdi

Sumayoni bolalagida "ko'zlarimning nuri” deb atardim. Mana, bugun u o'z uyini tashlab ketmoqda. Kecha, 14 may kuni Turkiya prezidenti Rajab Toyib Erdo'g'an qizi Sumayoni turmushga berdi, deb yozadi "1news.az” nashri. Ma'lumotlarga ko'ra, to'y tadbirida xavfsizlikni ta'minlash bo'yicha barcha choralar ko'rildi. To'yga taklif qilingan mehmonlarning avtomobillari tirband yo'llarda qolib ketmasligi uchun ayrim yo'llarda harakat butkul to'xtatildi. To'y Yahyo Kamol Beyatli nomidagi Madaniyat markazida bo'lib o'tdi. Prezident Erdo'g'an oila a'zolari bilan to'yga vertolyotda tashrif buyurdi. Kelin va kuyovni to'yxonaga olib kelgan mashinada dabdaba ko'zga tashlanmadi. Mashinaga bir qancha gullar qadalgandi, xolos. To'yda guvohlar sifatida kelin tarafdan Bosh vazir Ahmet Davuto'g'lu, kuyov tomondan esa Bosh shtab rahbari, general Xulusi Akar qatnashdi. Shuningdek, to'yga Turkiyaning 11-prezidenti Abdulla Gyul, Buyuk milliy yig'ilish notig'i Ismoil Qahramon, Bosniya va Gertsegovina prezidiumi raisi Bakir Izzatbegovich va boshqalar tashrif buyurdi.Yoshlarga nikoh tuzilganligi haqidagi guvohnomani Abdulla Gyul topshirdi. "Sumayoni bolalagida "ko'zlarimning nuri” deb atardim. Mana, bugun u o'z uyini tashlab ketmoqda. Bir-biringizni ehtiyot qiling. Muhabbatingizning kuchiga kuch qo'shiladi”, dedi Erdo'g'an ikki yoshga qarata. To'yda shuningdek, kelin bo'lmish Sumayo Erdog'an va kuyov bo'lmish Selchuk Bayroqdor haqida mini-film namoyish etildi.

1 2 3 4 5 Категория: Har-Hil | Просмотров:1976 | Добавил: Admin | Теги: Turkiya prezidenti Rajab Erdo'g'an | Рейтинг: 0.0/0

Всего комментариев: 0