Turkiya prezidenti Rajab Toyib Erdo‘g‘an Istanbulda o‘tkazilgan ayollar huquq va erkinliklariga bag‘ishlangan xalqaro anjumanda ayol kishi erkak bilan teng bo‘lolmaydi, deb hisoblashini, chunki bu tabiat qonunlariga zid bo‘lishini ma’lum qildi, deb xabar bermoqda "Segodnya.ua”. "Erkak va ayol o‘rtasidagi qandaydir tenglik haqida gapirishadi. Erkaklarning o‘g‘il bolalar bilan tengligi haqida gapirish mumkin. Ayollar faqat ayollar bilan teng bo‘ladi. Erkak va ayol huquqlarining tengligi haqida gapirib bo‘lmaydi, chunki bu tabiatga zid keladi”, − dedi Erdo‘g‘an. Shuningdek, Turkiya prezidenti mamlakatdagi feminizm harakatini ham tanqid qildi. Uning fikricha, feminizm onalik g‘oyasini inkor qiladi. Erdo‘g‘anning so‘zlariga ko‘ra, erkak va ayolning biologik farqlari ular hayotda bir xil funksiyalarni bajara olmasligini anglatadi. "Dinimiz (islom) ayolning hayotdagi o‘rnini aniqlab bergan − onalik. Ba’zilar buni tushunadi, boshqalar esa tushunolmaydi. Siz buni feministlarga tushuntirolmaysiz, chunki ular onalik g‘oyasini qabul qilolmaydi”, − dedi Turkiya prezidenti.